ينديا ءساۋىردىڭ 26-ى كۇنى «اگني-5» قىسقا قىشىقتىقتاعى بالليستيكالىق زىمىرانىن سىناقتان وتكىزدى دەپ حابارلايدى Odisha Sun Times اقپارات كوزى.

ءۇندىستان اسكەريلەر «اگني-5» بالليستيكالىق زىمىرانىن وديشا شتاتىنىڭ اۋماعىندا ورنالاسقان ابدۋل-كالام ارالىنداعى اسكەري پاليگوندا كەشە جەرگىلىكتى ۋاقىت بويىنشا ساعات 9:12 سىناقتان وتكىزگەن.

«اگني-5»  باليستيكالىق زىمىرانى 5 مىڭ شاقىرىم قاشىقتىقتاعى نىسانداردى اتىپ تۇسىرۋگە ارنالعان. بۇعان دەيىن ءۇندىستان «اگني-1» 700 شاقىرىمعا، «اگني-2» 2 مىڭ شاقىرىمعا، «اگني-3» جانە «اگني-4» 2,5 جانە  3,5 شاقىرىمدارعا ۇشاتىن زىمىراندارىن 2011 جىلدان بەرى ءوز ارسەنالىنا قوسقان بولاتىن. قازىرگى تاڭدا ينديا قارۋلى كۇشتەرى 10 مىڭ شاقىرىمداعى نىسانداردى اتۋعا ارنالعان  «اگني-6» بالليستيكالىق زىمىراندارىن قۇراستىرۋ ۇستىندە.

بۇنىڭ الدىندا 25-ءشى ساۋىردە اقش ءوزىنىڭ Minuteman III كونتينەنت ارالىق بالليستيكالىق زىمىراندارىن سىناقتان وتكىزگەن ەدى. ال قىتاي وسى اپتادا ءوزىنىڭ ەكىنشى ۇشاق تاسمالداعىش كەمەسىن سۋعا تۇسىرگەن بولاتىن. سولتۇستىك كورەيا بولسا، ەل اسكەرىنىڭ  قۇرىلعانىنا 85 جىل تولۋىنا وراي ءوز تاريحىنداعى ەڭ جويقىن اسكەري وقۋ-جاتتىعۋ جۇمىستارىن وتكىزگەن. بۇل اسكەري دايىندىققا 300-دەن استام ارتيرەلليالىق زەڭبىرەك قاتىستىرىلعان ەدى.  وسىلايشا الەم الپاۋىتتارى جاپپاي قارۋلانۋعا كوشىپ جاتقاندارىن كۇن سايىن جارىسا ايتىپ جاتىر.

"The Qazaq Times"