يراننىڭ بولات وندىرىسىنە كۇش سالىپ جاتىر

حالىقارالىق بولات اسسوتسياتسياسى يراننىڭ 2017 جىلدىڭ العاشقى توقسانىندا ءتورت ميلليون 500 مىڭ توننا شيكى بولات ءوندىرىسى ارقىلى 2016 جىلدىڭ وسى كەزەڭىمەن سالىستىرعاندا بولات ءوندىرىسىنىڭ 12/7 پايىزعا وسكەنىن حابارلادى. بۇل تۋرالى "فارس" ءباسپاسوزى مالىمدەدى.
يراننىڭ شيكى بولات ءوندىرىسىنىڭ مولشەرى 2016 جىلدىڭ العاشقى توقسانىندا ءتورت ميلليون 61 مىڭ توننا بولدى. يران – الەمدە بولات وندىرەتىن ون ءتورتىنشى ەل. 2015 جىلى ءتورت ميلليون 200 مىڭ، 2016 جىلى بەس ميلليون 500 مىڭ توننا بولات ءوندىردى.
بۇگىندە اقش قا اشىق ايبار شەگە الىپ وتىرعان بۇل ەلدىڭ رەسمي اقپاراتىنداعى بولات ءوندىرىسى تۋرالى ناقتىلاي اقپارات بەرۋى تەگىنەن-تەگىن بولماسا كەرەك.
وتكەن بەيسەنبىدە اقش پرەزيدەنتى دونالد ترامپ: «بولات يمپورت-ەكسپورتى اقش ەكونوميكاسى مەن ۇلتتىق قاۋىپسىزدىگى ءۇشىن اسا ماڭىزدى بولىپ تابىلادى. اقش بۇل سالادا وزگە ەلدەرگە استە تاۋەلدى بولماۋى كەرەك»، – دەگەن ەدى. بولات-تەمىر يمپورت-ەكسپورتى تۋرالى زاڭعا قايتا قول قويعان ەدى.

"The Qazaq Times"