29 قىركۇيەك كۇنى الماتى قالاسى قىلمىستىق ىستەر جونىندەگى مامانداندىرىلعان سوتىنىڭ سۋدياسى ەرلان بولاتوۆ  ناۋرىزباي اۋداندىق سوتىندا وتكەن جىلعى قاندى قاڭتار كەزىندە «عيماراتتارعا شابۋىل جاساپ، بيلىك وكىلدەرىنە كۇش كورسەتتى، جاپپاي تارتىپسىزدىككە قاتىستى دەپ ايىپتالىپ جاتقان 11 ازاماتتىڭ ءىسى بويىنشا باس سوت وتىرىسىن باستادى.

بۇگىنگى سوت وتىرىسىنا قاڭتار سوتتارىن باستان اياق جازىپ كەلە جاتقان تاۋەلسىز باق پەن بىرگە كتك  تەلەارناسىنىڭدا جۋرناليستەرى كەلگەن. الايدا ايىپتالۋشى تاراپ مەملەكەتتىك باق-تىڭ وزدەرىنە تەرىس پيعىل تانىتاتىنىن ايتىپ KTK جۋرناليستەرىنە بەينە جازبا جازۋعا قارسىلىق ءبىلدىردى.

قورعاۋ تارابى سۋديادان 11 ايىپتالۋشىنىڭ ءبىرى قوساي ماقامباەۆتىڭ ءۇي قاماقتاعى بۇلتارتپاۋ شاراسىن جەڭىل تۇرىنە اۋىستىرۋىن سۇرادى. ايىپتاۋشى پروكۋرور راحات ەستەبەك جازانىڭ زاڭ جۇزىندە ەكەندىگىن ايتىپ اتالعان ءوتىنىشتى قاناعاتتاندىرۋسىز قالتىرۋدى سۇرادى.

بۇل ءوتىنىشتى سوت اياقتالعانش اشىق قالتىرعان سۋديا شەشىمىن سوت سوڭىندا شىعاراتىن بولىپ ايىپتاۋشى پروكۋرورعا ايىپتاۋ اكتىسىن وقۋعا كەزەك بەردى.

پروكرور راحات ەستەبەك  200 بەت شاماسىنداعى ايىپتاۋ اكتىسنىڭ ىشىنەن تەك قاجەتتى دەپ تاپقان بولىكتەرىن تەرىپ وقىدى.

ايىپتالۋشىلار اقجول جانداربەكوۆ، ارمان اليمبەكوۆ، ءابيدوللا تاۋباي، داۋرە باكيەۆ، نۇرسۇلتان بايگيسيەۆ، سەرىك كەكىلباەۆ، تۇرسىنباي الپىسباەۆتار كىنالارىن جارتىلاي مويندادى.

قوساي ماقامباەۆى، نۇرتاس  كارانەەۆ، ىرىسبەك مامىروۆ، سەرىكبول ورىنعازى تورتەۋى تاعىلعان ءايىپتى تۇبەگەيلى مويندامايتىندارىن ايتتى.

كەڭەسۋ بولمەسىنە بارىپ قايتقان سۋديا بولاتوۆ ماحامباەۆتىڭ جىنە ونىڭ قورعاۋشىلارىنىڭ وتىنىشتەرىن قاناعاتتاندىرمادى.

كەلەسى سوتتار ءار اپتانىڭ سەيسەنبى، جۇما كۇندەرى وتەتىن بولدى.

 

سوت سوڭىندا تەرگەۋ تارابى وزدەرىنە ەش نەگىزسىز ايىپ تاقتى دەپ ساناعان قاڭتارشىلار ءوز ويلارىن جەتكىزدى.