جانبولات مامايدىڭ ادۆوكاتى ەرنار كەنجەباەۆ نەگىزگى سوت تالقىلاۋى كەزىندە قورعاۋىنداعى ازاماتتىڭ قۇقىعى بۇزىلعانىن ايتىپ، كونستيتۋتسيالىق سوتقا شاعىمداندى.

ادۆوكات قورعاۋ قۇقىعى بۇزىلدى دەپ ەسەپتەيدى، ويتكەنى پروكۋرور الدىمەن ورتاشا اۋىرلىقتاعى باپتارمەن ايىپتاۋ قورىتىندىسىن شىعاردى، سودان كەيىن ولاردى سوت تالقىلاۋى كەزىندە اۋىر دەپ سانادى، بۇل سوت پەن زاڭ الدىندا بارلىعىنىڭ تەڭ بولۋىنا مۇمكىندىك بەرەتىن كونستيتۋتسياعا قايشى.

سونىمەن قاتار، جانبولات مامايعا قويىلعان شەكتەۋلەر دە ونىڭ ازاماتتىق جانە ساياسي قۇقىقتارىن تاپتاۋ دەپ سانايمىز.

سوندىقتان، جوعارى سوتقا كاساتسيالىق شاعىم تۇسىرمەستەن بۇرىن، كونستيتۋتسيالىق سوتقا جۇگىنۋدى ءجون سانادىق.

بۇل شاعىمنان بولەك، جانبولات مامايدىڭ ءوزى بوستاندىق سوتىنا قوعامدىق-ساياسي جانە جۋرناليستىك قىزمەتپەن اينالىسۋعا تىيىم سالۋعا قاتىستى ۇكىمىن ناقتىلاۋ تۋرالى ءوتىنىش جازعان. اتاپ ايتقاندا، سوتقا ونىڭ قۇقىق قورعاۋ قىزمەتىمەن اينالىسا الا ما، ازامات رەتىندە سۇحبات بەرۋگە قۇقىعى بار ما، جوق پا دەگەن سۇراقتار قويىلدى. سوت وتىرىسى ونلاين رەجيمدە 15 قىركۇيەككە بەلگىلەندى.