جۋرناليست دۋمان مۇحاممەدكارىم ەكى ايعا قامالدى. وعان بۇلتارتپاس شاراسىن قولدانۋ تۋرالى سوت 22 ماۋسىم تۇنگى ساعات 10-دا وتكەن. بۇل جونىندە ازاتتىققا ادۆوكات عالىم نۇرپەيىسوۆ حابارلادى. تۇنگى ساعات 11-دە جۋرناليست تالدىقورعاننىڭ تەرگەۋ يزولياتورىنا ەتاپپەن جىبەرىلگەن.

جۋرناليست دۋمان مۇحاممەدكارىم 22 ماۋسىمدا 25 كۇندىك اكىمشىلىك قاماۋ مەرزىمى اياقتالعاننان كەيىن بىردەن ۇستالعان. ول "تىيىم سالىنعان ۇيىمنىڭ ىسىنە ارالاسۋ" (405-باپ، 2-بولىك) جانە "ەكسترەميزمدى قارجىلاندىرۋ" (258-باپ، 1-بولىك) ىستەرى بويىنشا كۇدىكتى دەپ تانىلعان. ءىستىڭ قوزعالۋىنا ءجۋرناليستىڭ قۋعىنداعى ەكس-بانكير مۇحتار ءابليازوۆتان سۇحبات الۋى تۇرتكى بولعان دەپ ايتىلادى.

قۇقىق قورعاۋشىلار بيلىكتى قاتاڭ سىناپ جۇرگەن جۋرناليستكە اشىلعان ءىستىڭ ساياسيلانعانىن ايتادى.

بۇعان دەيىن ادۆوكاتى جۋىردا عانا اشتىعىن توقتاتقان دۋمان مۇحاممەدكارىمنىڭ دەنساۋلىعى ناشارلاعانىن ايتقان.