وسكەمەندە پوليتسيا ۇلدارىنىڭ ءولىمىن ءادىل تەرگەۋدى تالاپ ەتىپ، پيكەتكە شىققان ەكى زەينەتكەردى ۇستادى. بۇل تۋرالا ازاتتىق راديوسى جازدى.

زەينەتكەرلەر تاڭەرتەڭ ءماسليحات سەسسياسى وتەتىن عيمارات الدىنا كەلىپ، 2013 جىلى قازا بولعان ۇلدارىنىڭ ءولىمىن تەرگەۋدى تالاپ ەتكەن.

“پوليتسەيلەر ۇستاعان كەزدە ولارعا كۇش قولدانعان (شىنتاقپەن بەتتى ۇرعان). ۆالەنتينا تاراسوۆانىڭ تەلەفونىن تارتىپ العان. ونىڭ قان قىسىمى كوتەرىلىپ، جەدەل جاردەم كولىگى شاقىرىلعان. سىرىلعان جەرلەرى تىركەلدى. وسىنىڭ ءبارىن گلۋبوكوە اۋدانىنىڭ اكىمى ەلدار تۇماشينوۆ ءۇنسىز باقىلاپ تۇردى. ول سايلاۋالدى ناۋقان كەزىندە سايلاۋشىلارىن قورعاۋعا ۋادە بەرىپ، تاراسوۆتارعا دا كەلىپ، ءوزىن قولداۋدى سۇراعان ەدى” دەپ جازدى قۇقىق قورعاۋشى عالىم اعەلەۋوۆ.

ونىڭ ايتۋىنشا، تاراسوۆتاردى پوليتسيادا ءۇش ساعات ۇستاعان. ۇستاۋ تۋرالى حاتتاما تولتىرىلماعان، زەينەتكەرلەر ادۆوكاتتى شاقىرۋدى تالاپ ەتكەنمەن تالاپتارى ورىندالماعان.

پوليتسيادا ۆالەنتينا تاراسوۆانىڭ جاعدايى ناشارلاپ، جەدەل جاردەم كولىگى شاقىرىلعان. دارىگەرلەر ونى اۋرۋحاناعا الىپ كەتكەن. كەيىن سول جاقتان ەكى زەينەتكەر ۇيلەرىنە قايتقان.