مارافونشى مارات جىلانباەۆتىڭ ۇيىنە ءتىنتۋ جۇرگىزىلدى. بۇل جونىندە «ازاتتىق» راديوسى حابارلادى.

23 مامىردا جىلانباەۆتىڭ ۇيىنە ازاماتتىق كيىمدەگى بەلگىسىز ادامدار مەن پوليتسيا كەلىپ، ءتىنتۋ جۇرگىزگەن. ول تەرگەۋ يزولياتورىنان پوليتسياعا جەتكىزىلگەن.

– مەن كەلگەندە ولار ۇيگە كىرىپ ۇلگەرگەن. ماعان سۋرەتكە تۇسىرۋگە تىيىم سالدى, – دەيدى مارافونشىنىڭ قىزى ءازيا جىلانباەۆا.

ساياسي بەلسەندى مارات جىلانباەۆ 3 مامىردا «بەيبىت جيىن وتكىزۋ ءتارتىبىن بۇزدى» دەگەن ايىپپەن 20 تاۋلىككە اكىمشىلىك قاماۋعا الىنعان.