15 ءساۋىر تاڭەرتەڭ جاپونيا پرەمەر-ءمينيسترى فۋميو كيسيدا ۆاكاياما قالاسىندا سويلەپ تۇرعان كەزدە وعان بىرەۋ جارىلعىش زات لاقتىردى. وقيعادان ەشكىم زارداپ شەكپەدى، شارا وتپەي قالدى. بۇل تۋرالى ازاتتىق راديسى جازدى.

لاقتىرىلعان زات ءتۇتىن قۇتىعا ۇقساس، دەپ جازدى Kyodo News. پرەمەر-مينيستر باسقارۋشى پارتيا كانديداتىمەن سويلەسىپ وتىرعان كەزدە جارىلىس دىبىسى ەستىلگەن. وقيعادان كەيىن كيسيدا بىردەن ەۆاكۋاتسيالانعان. شابۋىلداۋشىنى پوليتسيا ۇستاعان.

ۆيدەودا بىردەڭەنىڭ قاتتى جارىلعانى جانە ادامداردىڭ جان-جاققا قاشىپ جاتقانى كورىنەدى. ال بىرنەشە پوليتسەي شابۋىلداۋشىنى جەرگە جاتقىزىپ ۇستايدى.

كيسيداعا شابۋىل بۇرىنعى پرەمەر-مينيستر سيندزو ابەگە جاسالعان قاستاندىقتان كەيىن ءبىر جىلدان استام ۋاقىت وتكەن سوڭ جاسالىپ وتىر. بىلتىر شىلدەدە باسقارۋشى پارتيانىڭ كانديداتىن قولداعان ميتينگىدە سويلەپ جاتقان كەزدە سيندزو ابەگە ەكى رەت وق اتىلعان. ابە اۋرۋحانادا قايتىس بولدى. وعان نارا قالاسىندا قاستاندىق جاسالعان. ال ۆاكاياما كورشى اۋماقتا ورنالاسقان.