الماتى وبلىسى پوليتسيا دەپارتامەنتىنىڭ ەكس-باستىعى سەرىك كۇدەباەۆ سوتقا ماجبۇرلەپ جەتكىزىلەدى. بۇل جونىندە جەتىسۋ وبلىستىق سوتىنىڭ ءباسپاسوز قىزمەتى حابارلادى.

سوت مالىمەتىنشە، كۇدەباەۆ بىرنەشە مارتە سوتقا كەلمەگەن. وسىعان بايلانىستى ونى 3 ساۋىردە وتەتىن سوتقا كۇشپەن جەتكىزۋ تۋرالى سوت قاۋلىسى شىققان.

بۇعان دەيىن سەرىك كۇدەباەۆتىڭ اۋرۋحاناعا تۇسكەنى، سول سەبەپتى سوتقا كەلە الماعانى حابارلانعان.

تەرگەۋ ورگاندارى سەرىك كۇدەباەۆقا قاڭتار وقيعاسى كەزىندە «ارەكەتسىزدىك تانىتتى» (قر قك 370-باپ، 4-بولىگى) دەگەن ايىپ تاققان. ونىڭ ءوزى ايىپتاردى جوققا شىعارادى. بۇعان دەيىن پروكۋرورلار وعان 9 جىل تۇرمە جازاسىن سۇراعان.