تۇركىمەنستان حالىق ماسليحاتىنىڭ توراعاسى گۇربانعۇلى بەردىمۇحامەدوۆ 16 ناۋرىزدا انكارادا تۇركى مەملەكەتتەرى ۇيىمىنىڭ كەزەكتەن تىس سامميتىنە قاتىسىپ، تۇركىمەنستاندا دا وسى ۇيىمعا مۇشە بولادى دەپ مالىمدەدى. بۇل تۋرالى ورتالىق ازيا جاڭالىقتار قىزمەتى جازدى.

"ەندى تۇركىمەنستان تمۇ-عا باقىلاۋشى ەمەس، ونىڭ مۇشەسى رەتىندە قاتىسادى", - دەدى بەردىمۇحامەدوۆ. حالىق ءماسليحاتى باسشىنىڭ مالىمدەمەسىن تۇركىمەنستان مەملەكەتتىك اگەنتتىگى تاراتتى.

ول تۇركيا پرەزيدەنتىن نوبەل بەيبىتشىلىك سىيلىعىنا ۇسىنۋدى قولداعان.

بەردىمۇحامەدوۆ ەردوعانمەن 22 جىلدان بەرى ارالاساتىنىن ايتىپ، ونى الەمدىك دەڭگەيدەگى ساياساتكەر، ءوز ەلىنىڭ عانا ەمەس، بۇكىل مۇسىلمان قاۋىمىنىڭ مۇددەسىن قورعايتىن ءىرى تۇلعا دەپ سيپاتتادى.

اقپارات اگەنتتىگىنىڭ مالىمەتىنشە، 2000 جىلدان بەرى تۇرىك ينۆەستورلارى تۇركىمەنستاندا 110 ميلليارد دوللاردىڭ جوبالارى مەن جۇمىستارىن جۇزەگە اسىرعان.