تاشكەنتتە وزبەك-امەريكا كەلىسسوزدەرى ءجۇرىپ جاتىر

وزبەكستان سىرتقى ىستەر مينيسترلىگى پرەزيدەنت ميرزيەەۆتىڭ رەفورمالارىن قولداعانى ءۇشىن اقش-قا العىس ءبىلدىردى. بۇل تۋرالى امەريكا داۋسى جازدى.

اقش مەملەكەتتىك حاتشىسى ەنتوني بلينكەن سارسەنبى كۇنى تاشكەنتكە ساپارى بارىسىندا ەكىجاقتى قارىم-قاتىناستار مەن وزبەكستانداعى رەفورمالار جوسپارىن تالقىلايدى دەپ ۇمىتتەنەتىنىن ايتتى.

بلينكەن بۇل تۋرالى جۋرناليستەرگە وزبەكستان سىرتقى ىستەر ءمينيسترىنىڭ مىندەتىن اتقارۋشى باحتيور سايدوۆتىڭ قاتىسۋىمەن ەكى ديپلوماتتىڭ ورتالىق ازياداعى ارىپتەستەرىمەن كەلىسسوزدەرگە قاتىسقاننان ءبىر كۇن وتكەن سوڭ ايتتى.

سايدوۆ بلينكەننىڭ ساپارىنىڭ ساياسي كەلىسسوزدەرمەن قاتار ساۋدا، ينۆەستيتسيا، تەحنولوگيا جانە ءبىلىم سياقتى تاقىرىپتاردى تالقىلاۋدان تۇراتىنىن ايتتى.

«ءبىز اقش اكىمشىلىگىنە وزبەكستان پرەزيدەنتى شاۆكات ميرزيەەۆتىڭ جاقسى باسقارۋدى، زاڭ ۇستەمدىگىن، ادام قۇقىقتارىن قامتاماسىز ەتۋگە جانە كورشىلەرىمىزبەن جاقسى جانە دوستىق قارىم-قاتىناستاردى تەرەڭدەتۋگە باعىتتالعان رەفورمالىق كۇن ءتارتىبىن قولداعانى ءۇشىن العىس ايتامىز»، - دەدى سايدوۆ.