رەسەيدەن ۋكرايناداعى سوعىسقا اتتانىپ، قازا تاپقان وزبەكستاندىقتار بابۋر ابدۋمۋمينوۆ پەن شاحريەر جالولوۆ وزبەكستاندا جەرلەندى. ولاردىڭ ءمايىتى 19 قاڭتاردا وزدەرى تۇراتىن سامارقاند وبلىسى بۋلۋنگۋر اۋدانىنا جەتكىزىلگەن. بۇل تۋرالى ازاتتىقتىڭ وزبەك قىزمەتى حابارلادى -دەپ جازدى ازاتتىق راديوسى.

رەسەي ەكى مارقۇمنىڭ ءمايىتىن وزبەكستانعا "ۋكراينادا قازا تاپقانى" تۋرالى قۇجاتپەن جىبەرگەن.

23 جاستاعى شاحريەر جالولوۆ – رەسەيگە جۇمىس ىستەپ بارىپ، سوتتالعان ميگرانت. جاقىندارى ول سوعىسقا قالاي بارعانىن، قالاي قازا تاپقانىن بىلمەيدى. سامارقاند وبلىسىنىڭ احاج ءبولىمى بەرگەن قۇجاتتا جالولوۆ كوپ قان كەتىپ قازا بولعانى جازىلعان. ال رەسەي بەرگەن قۇجاتتا ول بىلتىر 16 جەلتوقساندا ۋكراينانىڭ دونەتسك وبلىسىندا قازا بولعانى كورسەتىلگەن.

26 جاستاعى بابۋر ابدۋمۋمينوۆ تە رەسەيگە جۇمىس ىستەۋگە بارىپ، سەگىز اي بۇرىن تۇرمەگە تۇسكەن. بىلتىر ول اكەسىمەن تەلەفونمەن سويلەسىپ، پاسپورتىنىڭ ۋاقىتى ءوتىپ كەتكەنى ءۇشىن تۇرمەگە تۇسكەنىن ايتقان. تۋىستارى بابۋر سوعىسقا قالاي بارعانىنان حابارسىز، تەك بىلتىر 15 جەلتوقساندا قازا تاپقانىن بىلەدى.

ءابدۋمۋمينوۆتىڭ دوسى ازاتتىقتىڭ وزبەك قىزمەتىنە بابۋردى "ۆاگنەر" توبىنىڭ وكىلدەرى سوعىسقا ۇگىتتەپ الىپ كەتكەنىن ايتقان. ونىڭ سوزىنشە، "ۆاگنەر" وكىلدەرى بابۋرعا "ۋكراينادا ءبىر اي سوعىسساڭ، اقتالىپ، وزبەكستانعا ورالاسىڭ، قوسىمشا 3 مىڭ دوللار الاسىڭ" دەپ ايتقان.

ورتالىق ازيادان، سونىڭ ىشىندە قىرعىزستان، وزبەكستان جانە تاجىكستاننان رەسەيگە بارعان ەڭبەك ميگرانتتارى ۋكرايناداعى سوعىسقا رەسەي جاعىنان قاتىسىپ، قازا تاۋىپ جاتقانى جايلى بۇعان دەيىن دە حابارلانعان. قىرعىزستان مەن تاجىكستاننان رەسەيگە بارعان ميگرانتتاردى دا سوعىسقا تۇرمەدەن الىپ كەتكەن.

رەسەي ەكى مارقۇمنىڭ ءمايىتىن وزبەكستانعا "ۋكراينادا قازا تاپقانى" تۋرالى قۇجاتپەن جىبەرگەن.

23 جاستاعى شاحريەر جالولوۆ – رەسەيگە جۇمىس ىستەپ بارىپ، سوتتالعان ميگرانت. جاقىندارى ول سوعىسقا قالاي بارعانىن، قالاي قازا تاپقانىن بىلمەيدى. سامارقاند وبلىسىنىڭ احاج ءبولىمى بەرگەن قۇجاتتا جالولوۆ كوپ قان كەتىپ قازا بولعانى جازىلعان. ال رەسەي بەرگەن قۇجاتتا ول بىلتىر 16 جەلتوقساندا ۋكراينانىڭ دونەتسك وبلىسىندا قازا بولعانى كورسەتىلگەن.

26 جاستاعى بابۋر ابدۋمۋمينوۆ تە رەسەيگە جۇمىس ىستەۋگە بارىپ، سەگىز اي بۇرىن تۇرمەگە تۇسكەن. بىلتىر ول اكەسىمەن تەلەفونمەن سويلەسىپ، پاسپورتىنىڭ ۋاقىتى ءوتىپ كەتكەنى ءۇشىن تۇرمەگە تۇسكەنىن ايتقان. تۋىستارى بابۋر سوعىسقا قالاي بارعانىنان حابارسىز، تەك بىلتىر 15 جەلتوقساندا قازا تاپقانىن بىلەدى.

ءابدۋمۋمينوۆتىڭ دوسى ازاتتىقتىڭ وزبەك قىزمەتىنە بابۋردى "ۆاگنەر" توبىنىڭ وكىلدەرى سوعىسقا ۇگىتتەپ الىپ كەتكەنىن ايتقان. ونىڭ سوزىنشە، "ۆاگنەر" وكىلدەرى بابۋرعا "ۋكراينادا ءبىر اي سوعىسساڭ، اقتالىپ، وزبەكستانعا ورالاسىڭ، قوسىمشا 3 مىڭ دوللار الاسىڭ" دەپ ايتقان.

ورتالىق ازيادان، سونىڭ ىشىندە قىرعىزستان، وزبەكستان جانە تاجىكستاننان رەسەيگە بارعان ەڭبەك ميگرانتتارى ۋكرايناداعى سوعىسقا رەسەي جاعىنان قاتىسىپ، قازا تاۋىپ جاتقانى جايلى بۇعان دەيىن دە حابارلانعان. قىرعىزستان مەن تاجىكستاننان رەسەيگە بارعان ميگرانتتاردى دا سوعىسقا تۇرمەدەن الىپ كەتكەن.