رەسەي قورعانىس مينيسترلىگى 1 قاڭتاردا دونەتسك وبلىسى ماكەەۆكا ەلدىمەكەنى ماڭىنداعى كازارماعا ۋكراينا جاساعان شابۋىلدان 63 اسكەري قازا تاپقانىن راستادى. ماسكەۋ شابۋىل HIMARS كەشەنىنەن جاسالعانىن ايتادى، -دەپ جازدى ورتالىق ازيا جاڭالىقتار قىزمەتى.

بۇعان دەيىن كرەملشىل تەلەگرام كانالدار ماكەەۆكاعا شابۋىلدان رەسەيدىڭ جۇزدەگەن اسكەريى قازا تاپقانىن جازعان ەدى.

ال ۋكراينا اسكەرىنىڭ ستراتەگيالىق كوممۋنيكاتسيا باسقارماسى تەلەگرام كانالىندا شابۋىلدان رەسەيدىڭ 400 اسكەريى قازا تاۋىپ، 300 اسكەري جارالانعانىن حابارلاعان.

دونباسستاعى سەپاراتيستەردىڭ قارۋلى كۇشتەرىنىڭ ەكس باسشىسى يگور سترەلكوۆ (گيركين) "جۇزدەگەن ادامنىڭ قازا تاۋىپ يا جارالانعانىن" جازدى. ونىڭ سوزىنشە، قازا تاپقاندار مەن جارالانعانداردىڭ ناقتى سانىن قازىر ايتۋ قيىن، سەبەبى كوبى ىزدەستىرىلىپ جاتىر.

ۋكراينالىق كانالدار ماكەەۆكاداعى كازارمادا سامار وبلىسىنان موبيليزاتسيالانعاندار بولعانىن جازادى.

تاسس اگەنتتىگى رەسەيلىك اسكەريلەر جاڭا جىل ءتۇنى ۇيالى تەلەفون قولدانعاندىقتان ۋكراينالىق اسكەريلەر ولاردىڭ وتىرعان جەرىن تاۋىپ العان دەپ جازادى.

رەسەي سوعىس باستالعالى العاش رەت وسىنشاما كولەمدە اسكەريىنەن ايىرىلعانىن مويىندادى.