تۇركياعا تۋريستىك ماقساتتا بارىپ، ەلدە تۇراقتى تۇرۋ قۇقىعىن سۇراعان رەسەيلىكتەردىڭ ءوتىنىشى 26 جەلتوقساننان باستاپ كەرى قايتارىلا باستادى. بۇل تۋرالى Vpost باسىلىمى حابارلادى.

باسىلىم مالىمەتىنە قاراعاندا، تۇركياعا بارىپ، پاتەر جالداۋ كەلىسىمى نەگىزىندە ەلدە تۇراقتى تۇرۋ قۇقىعىن الۋدى كوزدەگەن رەسەيلىكتەرگە قۇجات بەرىلمەي جاتىر. ولاردان 10 كۇن ىشىندە تۇركيادان شىعىپ كەتۋدى تالاپ ەتىپ جاتىر.

زاڭعا سايكەس، رەسەيلىكتەر تۇركيادا 60 كۇن ۆيزاسىز جۇرە الادى.

جەرگىلىكتى باسىلىمداردىڭ جازۋىنشا، تۇركياعا بارعان ۋكرايندىقتارعا وتانىندا سوعىس اياقتالعانعا دەيىن ۋاقىتشا تۇرۋعا رۇقسات بەرۋ جالعاسىپ جاتىر.