قازاقستان پرەزيدەنتى قاسىم-جومارت توقاەۆ وزبەكستانعا ەكى كۇندىك ساپار اياسىندا بىرقاتار شارالارعا قاتىسادى، -دەپ حابارلادى ورتالىق ازيا جاڭالىقتار قىزمەتى.

21-22 جەلتوقساندا قازاقستان پرەزيدەنتىنىڭ وزبەكستانعا ەكى كۇندىك ساپارى باستالادى.

العاشقى كۇنى "يانگي ۋزبەكيستون" ساياباعىنداعى تاۋەلسىزدىك مونۋمەنتىنە گۇل شوقتارىن قويىپ، تال ەگەدى. كەلەسى كۇنى توقاەۆ تاشكەنتتەگى تولە ءبيدىڭ كەسەنەسىنە تاعزىم ەتپەكشى.

رەسمي شارالار "تاشكەنت سيتي" كونگرەسس ورتالىعىندا جالعاسادى. كەزدەسۋ اياسىندا ەكى جاقتى جانە كوپ جاقتى كەزدەسۋلەر جوسپارلانىپ، ماڭىزدى قۇجاتتارعا قول قويۋ قاراستىرىلعان.

بۇدان بولەك قازاق اقىنى اباي قۇنانبايۇلىنا ارنالعان كورمە وتەدى.

قازاقستان - وزبەكستاننىڭ قىتاي جانە رەسەيدەن كەيىنگى ماڭىزدى ساۋدا سەرىكتەسى. رەسمي مالىمەت بويىنشا، ەكى ەل اراسىنداعى تاۋار اينالىمى 7 ملرد دوللار شاماسىندا.