سوت جانبولات ماماي سوزىنە ساياسي ساراپتامانى ورتا مەكتەپ مۇعالىمىنە تاپسىردى.

كەشە جانبولاتتىڭ ادۆوكاتتارى سوت تاعايىنداعان ساراپشى روزا اقباروۆاعا قارسىلىق تانىتقان ارىزى قارالدى. وعان بىرنەشە سەبەپ بار. بىرىنشىدەن، بۇل ماماننىڭ ءتيىستى ءبىلىمى جوق، ول ساياساتتانۋشى ەمەس. سوت ساراپتاما ورتالىعىنا دەيىنگى جۇمىس ورنى باستاۋىش سىنىپ وقىتۋشىسى. قاراعاندى ۋنيۆەرسيتەتىندە سايكەسىنشە پەداگوگيكالىق ءبىلىم العان. ال سول “ساراپشى” اقباروۆانىڭ قورىتىندىسىمەن 2012 جىلى ساياساتكەر ۆلاديمير كوزلوۆ، نۇر وتانعا قارسى شىققان Alnur Ilyashev, كۇنى كەشە ساياسي تۇتقىن دانات نامازباەۆ سوتتالدى. ياعني، بيلىك جازىقسىز ادامداردى سوتتاۋ ءۇشىن بۇل “ماماندى” پايدالانۋدى ابدەن ادەتتەنگەن.
ال وعان قارسىلىق تانىتقان جانبولاتتىڭ جاقتاستارى ساياساتتانۋشى شالقار نۇرسەيىتوۆتى (فيلوسوفيا جانە ساياساتتانۋ فاكۋلتەتى، ءال-فارابي اتىنداعى قازۇۋ), مەديا جانە ستراتەگيالىق كوممۋنيكاتسيا ماگيسترى (MA in Media and Strategic Communication, George Washington University) ۇسىنعان. الايدا، مامايدىڭ جاقتاستارى سۋديانىڭ دجوردج ۆاشينگتون ۋنيۆەرسيتەتى تۇلەگىن ەمەس، ورتا مەكتەپ مۇعالىمىن تاڭداعانىنا قاپالى.