رەسەيدىڭ بۋچاداعى اسكەري قىلمىسىن ايتقان وپپوزيتسيانەر ۇزاق مەرزىمگە قامالدى.

رەسەيدەگى وپپوزيتسيالىق ساياساتكەرلەر، ەكس-دەپۋتات يليا ياشين رەسەي اسكەريلەرىنىڭ بۋچاداعى  بەيبىت تۇرعىندارعا قارسى جاسالعان قاندى قىرعىنى تۋرالى ايتقانىن «جالعان اقپارات» تاراتتى دەگەن سۋديا وكسانا گوريۋنوۆا ونى سەگىز جارىم جىلعا تۇرمە جازاسىنا كەستى.

رەسەيدىڭ ۋكرايناعا باسىپ كىرگەنىن سىنايتىن ساناۋلى ادامداردىڭ ءبىرى ياشين ءوزىنىڭ سوعىسقا قارسىلىعىن ۇنەمى ايتىپ كەلە جاتقان.

ول ءساۋىر ايىندا ءوزىنىڭ YouTube ارناسىندا «رەسەي  ۋكراينانىڭ بۋچا قالاسىندا اسكەري قىلمىس جاسادى» دەگەن اقپاراتتى ايتقانى ءۇشىن قاماۋعا الىنعان.

بۇعان دەيىندە ءپۋتيننىڭ ۋكرايناعا شاپقىنشىلىعىن سىناعان ءبىراز رەسەيلىكتەر قاماۋعا الىنعان. كەيبىرەۋلەرى ەلدەن قاشىپ كەتۋگە ءماجبۇر بولعان. ءياشيننىڭ سولاردىڭ ىشىندەگى جازاسى ازىرگە ەڭ اۋىر جازاعا تارتىلىعانى. ول وزىنە تاعىلعان ايىپپەن كەلىسپەيدى.

مامىر ايىندا يليا ياشينگە رەسەي ارمياسىنىڭ بەدەلىن ءتۇسىرۋ بابى بويىنشا ءتورت حاتتاما جاساعان. مامىر ايىنىڭ سوڭىندا ولاردىڭ ۇشەۋى ءۇشىن سوت ەكس-دەپۋتاتقا ءار حاتتاما ءۇشىن 30 000 رۋبل كولەمىندە ايىپپۇل سالعان.

28 ماۋسىمدا ساياساتكەر پوليتسياعا قارسىلىق كورسەتكەنى ءۇشىن 15 تاۋلىككە قاماۋعا الىنعان، ال 12 شىلدەدە ونىڭ ۇستىنەن «رەسەي قارۋلى كۇشتەرى تۋرالى كورىنەۋ جالعان اقپارات تاراتۋ» بابى بويىنشا قىلمىستىق ءىس قوزعالىپ، 10 جىلعا دەيىن باس بوستاندىعىنان ايىرۋ جازاسى قاراستىرىلعان بولاتىن.