گازا سەكتورىنداعى حالىق تىعىز قونىستانعان بوسقىندار لاگەرلەرىنىڭ ءبىرى جاباليدە ءورت شىعىپ، كەم دەگەندە 21 ادام، ونىڭ ىشىندە 10 بالا قازا تاپقانى تۋرالى ءارى قازا تاپقاندار سانا الدا ارتا ءتۇسۋى مۇمكىن ەكەندىگى تۋرالى اۋرۋحانا ديرەكتورى مالىمدەدى.

جەرگىلىكتى قاۋىپسىزدىك قىزمەتكەرىنىڭ BBC-گە ايتۋىنشا، باستاپقى تەرگەۋ اسۇيدەن گاز اعىپ جاتقانىن بولجاعان.

گازانىڭ سولتۇستىگىندەگى يندونەزيا اۋرۋحاناسىنىڭ توتەنشە جاعدايلار قىزمەتىنىڭ ديرەكتورى دوكتور ءابۋ لايلا بۇكىل عيماراتتىڭ جالىنعا ورانعانىن ايتىپ الاپات ءورتتىڭ ورىن العانىن ايتتى.

گازادا ەلەكتر قۋاتىنىڭ تاپشىلىعىنا بايلانىستى اشىق وتتان تۋىندايتىڭ ءورتتىڭ قاتەرى ءجيى قاسىرەتتى وقيعامەن اياقتالىپ جاتادى.

گازادا 2,3 ميلليون ادام تۇرادى، بىرىككەن ۇلتتار ۇيىمىنىڭ مالىمەتى بويىنشا، گازاداعى 600 مىڭعا جۋىق بوسقىن جابالي سەكىلدى سەگىز لاگەردە تۇرىپ جاتىر.