پولشا پرەزيدەنتى اندجەي دۋدا پولشانىڭ پشەۆودۋۆ اۋىلىنا راكەتانىڭ قۇلاۋىن "قاساقانا جاسالعان شابۋىل ەمەس" دەپ اتادى. بۇل تۋرالى Associated Press اگەنتتىگى حابارلادى. بۇل تۋرالى ورتالىق ازيا جاڭالىقتار قىزمەتى جازدى.
15 قاراشادا پولشانىڭ پشەۆودۋۆ اۋىلىنا راكەتا قۇلاپ، ەكى ادام قازا تاپقان ەدى. دۋدا پولشاعا تۇسكەن راكەتا ۋكراينانىڭ زىمىراندارعا قارسى جۇيەسىنە ۇشىرىلۋى مۇمكىن دەپ وتىر.
پولشا پرەزيدەنتى "بۇل جاعدايعا 15 قاراشادا ۋكراينانى راكەتامەن اتقىلاعان رەسەي جاۋاپتى" دەدى.
كەشە، 14 قاراشادا رەسەي ۋكراينانىڭ 12 ايماعى مەن كيەۆ قالاسىن راكەتامەن اتقىلاعان. ۋكراينا قارۋلى كۇشتەرى باليدە "ۇلكەن جيىرمالىق" ءسامميتى ءوتىپ جاتقان تۇستا رەسەي راكەتامەن شابۋىل جاساۋى مۇمكىن دەگەن ەدى. كەشكىسىن پولشاعا دا راكەتا قۇلاعانى بەلگىلى بولعان.
اقش پرەزيدەنتى دجو بايدەن "پولشاعا تۇسكەن راكەتانى رەسەي اتۋى ەكىتالاي" دەگەن. ال Associated Press اگەنتتىگى پشەۆودۋۆ اۋىلىنا تۇسكەن راكەتا ۋكراينانىڭ زىمىراننان قورعاۋ جۇيەسىنەن جىبەرىلۋى مۇمكىن دەپ جازعان.
ال رەسەي قورعانىس مينيسترلىگىنىڭ وكىلى يگور كوناشەنكوۆ رەسەيلىك ماماندار پولشادا راكەتا قۇلاعان جەردىڭ فوتوسىن تەكسەرە كەلە، راكەتا ۋكراينالىق اسكەريلەرگە تيەسىلى ەكەنىن انىقتادى دەگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟