رەسەي ەۋروپاعا شىعاتىن نەگىزگى گاز قۇبىرىن جاۋىپ تاستادى

رەسەي ەۋروپاعا گاز جونەلتىپ جاتقان ماگيسترالدىق قۇبىرعا جوندەۋ جۇمىستارىن جۇرگىزۋدى سىلتاۋراتىپ توقتاتىپ تاستادى. بۇل جونىندە باتىستىق باق جازىپ جاتىر.

رەسەيلىك مەملەكەتتىك ەنەرگەتيكالىق الپاۋىت گازپروم «سولتۇستىك اعىن 1» قۇبىرىنا قويىلعان شەكتەۋلەر الداعى ءۇش كۇنگە سوزىلادى دەپ مالىمدەدى.

بۇگىندە گاز ەكسپورتىن ايتارلىقتاي قىسقارتقان رەسەي ەنەرگيا كوزدەرىن باتىس ەلدەرىنە قارسى سوعىس قارۋى رەتىندە پايدالاندى دەگەن ايىپتاۋلاردى جوققا شىعارادى.

«سولتۇستىك اعىن 1» قۇبىرى 2011 جىلى اشىلعان. قۇبىر گەرمانياعا تاۋلىگىنە  170 ميلليون تەكشە مەترگە دەيىن گاز جىبەرە الاتىن. ول بالتىق تەڭىزىنىڭ استىمەن سانكت-پەتەربۋرگ ماڭىنداعى رەسەي جاعالاۋىنان گەرمانيانىڭ سولتۇستىك-شىعىسىنا دەيىن 1200 كم سوزىلادى.

شىلدەدە قۇبىر 10 كۇنگە جابىلدى - رەسەيدىڭ مالىمەتىنشە، جوندەۋ جۇمىستارىن جۇرگىزۋ ءۇشىن - جانە رەسەي اقاۋلى جابدىق دەپ سيپاتتايتىندىقتان، جاقىندا عانا 20% قۋاتتىلىقپەن جۇمىس ىستەپ تۇر.

گازپروم بۇعان دەيىن فرانتسياعا گاز جىبەرۋىن دە توقتاتوىن بولاتىن. بۇل الدا كەلە جاتقان قىس ايلارىندا ۇلكەن قيىندىقتار الىپ كەلۋى مۇمكىن.