فوتو: .ctvnews.ca

باعدات قالاسىندا شيتتەر ليدەرى مۋكتادا اس-سادر جاقتاستارى مەن قۇقىق قورعاۋ ورگاندارى اراسىنداعى قاقتىعىستا جيىرمادان استام ادام قازا بولدى، دەپ حابارلادى Al Hadath بەن Al Jazeera. بۇل تۋرالى ورتالىق ازيا جاڭالىقتار قىزمەتى جازدى.

بۇنىڭ الدىندا Al Arabiya تەلەارناسى مەن Associated Press 15 ادامنىڭ قازاسى تۋرالى حابارلاعان.

"پوليتسيا اتقان وق پەن كوزدەن جاس اعىزاتىن گازدان جانە قاقتىعىستان كەم دەگەندە 15 شەرۋشى قازا بولىپ، ونداعان ادام جارالاندى", – دەلىنگەن AP تاراتقان مالىمەتتە.

دارىگەرلەردىڭ حابارلاۋىنشا، ون ادام اتىس كەزىندە وققا ۇشقان. Al Arabiya ءتىلشىسى قازا بولعاندار اراسىندا ەكى يراك اسكەريى بولعانىن راستادى. Al Hadath مالىمەتىنشە، 350 ادام اتىستان نەمەسە كوزدەن جاس اعىزاتىن گازدان زارداپ شەككەن.

بۇۇ باس حاتشىسى انتونيۋ گۋتەرريش يراكتى قاقتىعىستى دوعارۋعا شاقىردى. ونىڭ ءباسپاسوز حاتشىسى ستەفان ديۋجاريكتىڭ مالىمدەۋىنشە، ۇيىمنىڭ باس حاتشىسى "نارازىلىقتارعا قاتتى الاڭداپ وتىر".

"ول ادام شىعىنى تۋرالى حابارلارعا مازاسىزداندى. جانجالداسۋشى تاراپتاردى سابىرعا، كۇش قولدانباۋعا شاقىرادى"", – دەيدى ءباسپاسوز حاتشىسى.

ىقپالدى شيت ءدىن قىزمەتكەرلەرى مۋكتادا اس-سادر ساياسي قىزمەتىن اياقتاعانىن جاريالاعان سوڭ يراكتا نارازىلىق شيەلەنىسىپ كەتتى. مۋكتادا مۇنداي شەشىمىن ەلدەگى ساياسي جاعداي تىعىرىققا تىرەلگەنىمەن تۇسىندىرگەن.

ونىڭ جاقتاستارى باعداتتا ۇكىمەت شتابى ورنالاسقان رەسپۋبليكا سارايىنا باسىپ كىردى. شيتتەر "ۇيلەستىرۋ قۇرىلىمىنىڭ " پرەمەر-مينيستر قىزمەتىنە مۇحاممەد اس-ءسۋدانيدى ۇسىنعانىنا قارسى شىقتى. يراك بيلىگى ەلدىڭ بارلىق ايماعىندا كومەندانت ساعاتىن جاريالادى.