11 تامىزدا س.سەيفۋللين اتىنداعى الماتى وبلىستىق امبەباپ كىتاپحاناسىندا اباي كۇنىنە وراي، فيلولوگيا عىلىمدارىنىڭ كانديداتى، ۇستاز، عالىم، ابايتانۋشى، جازۋشى، اۋدارماشى ومار جالەلۇلىمەن «بىلىمدىدەن شىققان ءسوز»  اتتى تاريحي تانىمدىق كەش ءوتتى.

تاريحي-تانىمدىق كەشتىڭ  ماقساتى- ۇلى اقىننىڭ ونەگەلى ومىرىمەن  كوپشىلىك وقىرماندى ءجىتى تانىستىرۋ. اقىننىڭ دانالىعىن، رۋحاني اسىل مۇرالارىن ناسيحاتتاي وتىرىپ، كوپشىلىككە بەلگىلى ابايتانۋشى ومار جالەلۇلىنىڭ  عۇلاما  جايلى  تىڭ ىزدەنىستەرى بويىنشا  مول ماعلۇماتتار الۋ بولاتىن. سوندىقتاندا «بىلىمدىدەن شىققان ءسوز...» دەپ اقىننىڭ ولەڭ تارماعىمەن اتالعان  تاريحي تانىمدىق كەش بارىسىندا، «ابايدىڭ تاريحي مۇرالارى» اتتى كىتاپ كورمەسى ۇيىمداستىرىلىپ، كەش قوناقتارىنا  اقىننىڭ كىتاپتارى مەن اقىن تۋرالى ىزدەنىستە جۇرگەن اباي تانۋشىلاردىڭ جيناقتارى تانىستىرىلدى.  سونىمەن قاتار، حاكىم ابايدىڭ ءومىرى مەن شىعارماشىلىعى ، ونىڭ ءپالساپاسى حاقىندا  كەشتىڭ باستى قوناعىمەن سىر سۇحبات قۇرىلىپ، وقىرمانداردىڭ كوكەيدەگى سۇراقتارىنا جاۋاپتار قاراستىرىلىپ، كەش سوڭى قىزۋ تالقىعا ۇلاستى.

اتالمىش شاراعا، كىتاپحانا وقىراماندارى، تاريحي-تانىمدىق كەش قوناقتارى، اۋلى شاراعا باق وكىلدەرى مەن 70 كە تارتا ادام  قاتىستى.

ءا.ادايحان

س. سەيفۋللين اتىنداعى

الماتى وبلىستىق كىتاپحاناسى