بۇگىن "پوليتون" باعدارلاماسىنىڭ قازاقستان مەن رەسەي قارىم-قاتىناسىنا ارنالعان سانىن ىقشامداپ بەرۋدى ءجون كوردىك. باعدارلاماعا بەلگىلى جۋرناليست اسحات اسان جانە ساياسي بەلسەندى رىسبەك توقتاسىن قاتىسقان. 

اسحات اساننىڭ سوزىنشە، توقاەۆتىڭ سانكت-پەتەربۋرگ فورۋمىندا سويلەگەن ءسوزى جاڭالىق ەمەس. بۇل قازاقستاننىڭ بۇرىننان بەرى ايتىپ كەلە جاتقان پوزيتسياسى.

«قازاقستاننىڭ بۇل ماسەلە تۋرالى پوزيتسياسى ەرتەدەن اق بەلگىلى. بۇنى قازاقستان عانا ەمەس، تمد ەلدەرىنىڭ ەشقايسىسى مويىنداپ وتىرعان جوق. سوندىقتان «توقاەۆ لنر مەن دنر-ءدى مويىندامادى» دەپ ودان ۇلكەن جاڭالىق جاساۋدىڭ قاجەتى جوق. ول سونداي پوزيتسيانى تەك عانا ناقتىلادى. مەن بۇنى قويىلىم، سپەكتاكل دەر ەدىم»، -دەيدى اسان.

رىسبەك توقتاسىننىڭ پىكىرىنشە، توقاەۆتىڭ مالىمدەمەسى ونىڭ حالىق الدىنداعى بەدەلىن كوتەرۋ ءۇشىن جاسالعان قادام.

«بۇل كەيبىر ادامدار ايتىپ جۇرگەندەي توقاەۆتىڭ باتىل قادامى ەمەس. قاڭتار وقيعاسىنان كەيىن ءتۇسىپ كەتكەن حالىق الدىنداعى بەدەلىن كوتەرۋدىڭ امالى جانە الدا كەلە جاتقان پرەزيدەنت سايلاۋىنا دايىندىق. ەكىنشىدەن، رەسەيگە سالىنعان سانكتسيالاردى قازاقستان ارقىلى اينالىپ ءوتۋ ءۇشىن جول جاساۋ»، - دەيدى توقتاسىن.

;t=475s