كومپيۋتەرلىك ويىندار. بالالار نە ويناپ ءجۇر

ءبىز قالاساق تا، قالاماساق تا كومپيۋتەرلىك ويىندار بالالار اراسىندا ۇلكەن تانىمالدىققا يە. بۇل ويىنداردىڭ بالالار دەنساۋلىعىنا تيگىزەتىن زياندى اسەرلەرى مەن پسيحولوگيالىق زارداپتارىن بىلسەك تە شاراسىز كۇيدەمىز. قايتپەك كەرەك؟
ويىن جاسايتىن ارنايى ماماندار ءۇشىن، ويىن-تابىس كوزى. كۇن سايىن جاڭا ويىندار شىعىپ جاتادى، باسەكەلەستىككە ءارتۇرلى سەبەپ بار، ەڭ الدىمەن قانىق بوياۋلار ەڭبەكتەگەن بالادان باستاپ كوزدى اربايدى، بالانىڭ ەرمەگى. بىراق ەرەسەكتەر اراسىندا دا قىزىعۋشىلار كوپ. كيبەر سپورت ءتۇرى دامىپ كەلەدى. ءبىزدىڭ ەل كيبەر سپورتتى سپورت رەتىندە مويىنداعان 24 ەلدىڭ ءبىرى. ءارتۇرلى كوماندالار قۇرىپ دامىتۋ باعىتىندا جۇمىس ىستەۋدە. سولاردىڭ ىشىندە AVANGAR كومانداسىن اتاپ وتۋگە بولادى. ويىنشىلاردى 17 جاستان باستاپ قابىلدايدى. سونداي-اق ويىنشىلار اراسىندا ءبىزدىڭ كوماندالار تانىمال. Counter-Strike ويىنى كوماندامەن ءجيى وينالادى. ءارى بۇنداي ويىنداردىڭ جۇلدە قورى دا از ەمەس. Dota 2 ويىنىنان وتەتىن ءبىر عانا The International ءتۋرنيرىنىڭ جۇلدە قورى 25 ميلليون دوللاردى قۇراعان. 2018ج ماۋسىم ايىنانباستاپ ەلىمىزدە Qazaq Cybersport Federation قۇرىلا باستاعان، الداعى كۇندەردە وليمپيادالىق سپورت تۇرىنە ەنسە دە تاڭقالمايمىز.
سول سەبەپتى ، بالالار وينايتىن ويىنداردى ولاردىڭ جاس ەرەكشەلىكتەرىنە قاراي وتىرىپ، پسيحولوگتار مەن دارىگەرلەردىڭ پىكىرىەن ەسكەرىپ، بالالارمەن بىرگە تاڭداعان ءجون. اقىل-ويدى دامىتۋعا ارنالعان ويىندار دا جەتەرلىك. جاس بالالاردىڭ اتىس-شابىس، قانتوگىس ويىندارىنىڭ قۇربانىنا اينالىپ ككتپەۋى ءۇشىن، اتا-انالار قىراعى بولعان ءجون. ولاردىڭ مىنەزىندەگى اۋىتقۋشىلىق، قاتىگەزدىك، اگرەسسيا قوعامدا ءجيى تالقىلانادى.
الايدا، ماينكرافت ويىنىن وقىتۋدىڭ ءادىسى رەتىندە پايدالانعانىن ەستىگەندە، ويىنداردىڭ وڭتايلى جاعىن پايدالانۋ ارقىلى بالالارعا ءبىلىم بەرۋدە كومەكشى قۇرال رەتىندە پايدالانساق جامان بولماس دەگەن ويعا كەلگەنىمىز راس. ەڭ العاش 2016ج قاراعاندىداعى نۇرماقوۆ اتىنداعى مەكتەپتە بيولوگيا، تاريح، حيميا، ماتەماتيكا، ينفورماتيكا جانە گەوگرافيا پاندەرىندە قولدانا باستاعان.مىسالى بيولوگيا ساباعى ومىرتقالى جانە ومىرتقاسىز جانۋارلار جونىندە تاقىرىپتا وتسە وقۋشىلار وسىلارعا جاتاتىن اڭداردى ويىن بارىسىندا تاپقان. ال، مەكتەپكە جاڭا باراتىن بالالار ءۇشىن ساناماق، الفاۆيت جاتتاۋدا ويىنداردى پايدالانعان ارتىق ەمەس. سابيلەردىڭ تۇستەر مەن دىبىستاردى پارىقتاۋى ءۇشىن دە وڭتايلاندىرىلعان ويىن تۇرلەرى بار. ۇنەمى بالاڭىزبەن بىرگە بولماساڭىز دا قانداي ويىندار ويناپ جۇرگەنىنە قاراپ قويىڭىز. كومپيۋتەرلىك اعىننان قۇتىلا الماسىمىز انىق. سول ءۇشىن پايدالى جاعىن ىزدەيىك جانە پايدالانايىق.

ءنۇرباتيما بايتۇرسىن