فوتو: اشىق دەرەككوزدەن

قازاقستان رەسپۋبليكاسى ۇلتتىق قاۋىپسىزدىك كوميتەتى ۇقك-ءنىڭ بۇرىنعى توراعاسى ك.ق.ماسىموۆكە قاتىستى مەملەكەتكە وپاسىزدىق جاساۋ فاكتىسى بويىنشا سوتقا دەيىنگى تەرگەۋدى جالعاستىرۋدا. سونداي-اق، اتالعان قىلمىستاردى جاسادى دەگەن كۇدىكپەن ك.ءماسىموۆتىڭ بۇرىنعى ورىنباسارى – «ا» ارنايى ماقساتتاعى قىزمەتىنىڭ باستىعى ا.سادىقۇلوۆ پەن ۇقك توراعاسىنىڭ بۇرىنعى ورىنباسارى د. ەرعوجين ۇستالدى دەپ حابارلادى قر ۇقك ءباسپاسوز قىزمەتى

6 قاڭتاردا قازاقستان ۇلتتىق قاۋىپسىزدىك كوميتەتىنىڭ سايتىندا كوميتەتتىڭ بۇرىنعى توراعاسى ءماسىموۆتىڭ ۇستىنەن قىلمىستىق كودەكسىنىڭ 175-بابى 1-تارماعىنداعى مەملەكەتكە وپاسىزدىق جاساۋ ءىسى بويىنشا سوتقا دەيىنگى تەرگەۋدى باستالعانىن، ءارى ماسىموۆتەن باسقا دا ادامداردىڭ ۇستالعانىن حابارلاعان بولاتىن.

وسى ءىستىڭ شەڭبەرىندە بيلىكتى كۇشپەن باسىپ الۋعا جانە لاۋازىمدىق وكىلەتتىكتەرىن اسىرا پايدالانۋعا باعىتتالعان ءىس-ارەكەتتەر فاكتىلەرى بويىنشا قوسىمشا سوتقا دەيىنگى تەرگەپ-تەكسەرۋلەردە باستالعانى حابارلاندى.

The Qazaq Times