ەگەمەن ەل تاريحىنىڭ ەڭ اتاۋلى كۇندەرىنىڭ ءبىرى بۇگڭنگڭ 16 جەلتوقسان. ەلدىڭ تاۋەلسىزدىك كۇنى. ەلدىڭ تاۋەلسىزدىگىنە 30 جىل.  سونىمەن بىرگە تاۋەلسىزدىككە ولشەۋسىۋز  ۇلەس قوسقان بوزداقتاردىڭ قىزىل قانىنىڭ توگىلگەن كۇنى. 

اۋەلى بۇل كۇن تاريحىمىزدا 1986 جىلى كرەملدىڭ پارمەنىنە قارسى ءۇن قاتقان قازاق جاستارىنىڭ دابىلى بولىپ جازىلدى. تەگەۋرىنى قاتتى تەمىر بيلىك شەڭگەلىندە قازاقتىڭ ورىمدەي جاس ۇل-قىزدارى ءوزىنىڭ ءور رۋحىن تاريحقا تاڭبالاپ كەتتى. جەلتوقسان الاڭىنا توگىلەن قىزىل قان اقىرى قىزىل يمپەريانىڭ تاعانىن قوپسىتىپ، شاڭىراعىن شايقالتتى. كوپ ۇزاماي وسى كۇنى قازاق مەملەكەتتىلىگى جالپاق الەمگە جاريا بولدى.

"اتتەگەن-اي"-ىمىز –  ۇلت رۋحىنىڭ ءدۇر سىلكىنىپ، ۇلت ساناسىن تۇنەكتەن سىلكىپ وياتقان، تاۋەلسىزدىك  تاڭىنا جەتەلەگەن وسى كۇنگە  بوستان، ەگەمەن شاعىمىزدا  قارا داق  سالىپ العانىمىز. 2011 جىلى جاڭاوزەندە بيلىك ءوز حالقىنا وق اتىپ، تاريحي كۇننىڭ قاسيەتىن مانسۇقتادى. وندا دا ءوز حاقىسىن سۇراعان قازاق جاستارى مەرت بولدى. سالدارىنان تاۋەلسىزدىك تاڭىمىزبەن قاتار قۇرباندارىمىزدى دا ەسكە الاتىن كۇن بولىپ قالدى.

اتاۋلى كۇنگە وراي بارشا قازاقستاندىقتاردى مەرەكەلەرىمەن قۇتتىقتاي وتىرىپ، 1986 جىلعى جەلتوقسان قۇرباندارى مەن 2011 جىلعى جاڭاوزەن-شەتپە قۇرباندارىنىڭ رۋحىنا قايىرلى دۇعا تىلەيمىز!

تاۋەلسىزدىگىمىز باياندى، ەلىمىز امان، جۇرتىمىز تىنىش، ەل ىرگەسى ءبۇتىن بولسىن!

"The Qazaq Times"