گەرمانيادان ون مىڭ ميگرانت ءوز ەركىمەن شىعىپ كەتتى

گەرمانيا  باق-نىڭ حابارلاۋىنشا، بيىلعى جىلى، 55 مىڭ ميگرانت ءوز ەركىمەن ەلدەن كەتكەنىن حابارلايدى ببس ءدىڭ قىرعىز قىزمەتى.

بۇل تۋرالى Sueddeutsche Zeitung باسىلىمى گەرمانيانىڭ ميگراتسيا جانە بوسقىندار جونىندەگى فەدەرالدىق باسقارماعا سىلتەمە جاساپ.

گەرمانيا اۋماقتان شىعىپ كەتكەن ميگرانتتاردىڭ باسىم بولىگى باتىس بالقاننان كەلگەندەر. ولار بوسقىن مارتەبەسىن الا الماعاندىعى سالدارىنان دەپورتاتسياعا ۇشىراماۋ ءۇشىن ءوز ەلدەرىنە قايتىپ كەتكەن. زاڭسىز جۇرگەنى ءۇشىن دەپورتاتسياعا ىلىنسە گەرمانياعا قايتىپ كەلۋىنە رۇحسات ەتىلمەيدى.

سونداي-اق،  گەرمانيادان 2016 جىلى 25 مىڭ ادام دەپورتاتسيالانعان. ءوز ەركىمەن قايتىپ كەتكەندەردىڭ 15 مىڭى البانيادان كەلگەندەر. 5 مىڭى سەربيا، يراق، كوسوۆوعا قايتىپ كەتكەن. Sueddeutsche Zeitung باسىلىمى اۋعانستان، يران، يراققا قايتىپ كەتۋگە نيەتتەنگەندەردىڭ دە كوپ ەكەنىن ايتادى. ماسەلەن 3 مىڭ 200 ادام اۋعانستانعا وسى جىلى قايتىپ كەتۋدى شەشكەن. بۇل وتكەن جىلمەن سالىستىرعاندا 10 ەسەگە كوپ.

ەل اۋماعىنان ءوز ەركىمەن شىعىپ كەتۋشىلەرگە گەرمانيا ۇكىمەتى كومپەنتسيا تولەپ جول قاراجاتىندا وزدەرى شىعارىپ وتىر. وسى جىلدىڭ جەلتوقسانىندا بەلگىلى بولعانداي ۇكمەت ميگرانتتاردىڭ ءوز ەلدەرىنە قايتۋىنا 150 ملن ەۆرو، بوسقىن مارتەبەسىن الا الماي قالعان ميگرانتتارعا جىلىنا 50 ملن ەۆرو بولگەن.

گەرمانياعا سوڭعى ءبىر جارىم جىل ىشىندە  بىر ميليوننان ارتىق ميگرانت كەلدى. 2015 جىلى 900 مىڭداي ادام بوسقىن مارتەبەسىن الۋعا ءوتىنىش بىلدىرگەن.

«The Qazaq Times»