سەيسەنبى، 12 قازاندا استانانىڭ ءاكىمشىلىك سوتى تىركەلمەگەن دەمپارتيانىڭ ۇستالعان 8 بەلسەندىنىڭ تءورتەۋىنە ءارقايسىسىنا 14,5 مىڭ تەڭگە ايىپپۇل سالدى.

ولار ۇلتتىق بانك عيماراتىنا پروبلەمالى نەسيەلەرگە امنيستيا جاساۋ جانە وكىلەتتىلىگىن اسىرا پايدالانعان سوت ورىنداۋشىلارى مەن كوللەكتور كومپانيالارعا جاۋاپكەرشىلىكتى كۇشەيتۋ تالاپتارىمەن بارعان. قۇقىق قورعاۋشى، بەلسەندى ينگا يمانباي حابارلاۋىنشا، وسى جيىنعا قاتىسقان «ۇساق بۇزاقىلىق» (434-باپ) بابى بويىنشا ايىپ تاعىلعان.

ونىڭ ايتۋىنشا، ۇستالعان سەگىز بەلسەندى ەسىل اۋدانىنىڭ پوليتسيا باسقارماسىندا جەتكىزىلگەن، ولارعا ادۆوكاتتار دەر كەزىندە جىبەرىلمەگەن. سونداي-اق، ايگەرىم تىلەۋجان مەن ارۋجان دۇيسەباەۆانىڭ سوتى بۇگىن وتەدى.

ۇلتتىق بانك توراعاسى ەربولات دوساەۆتىڭ شىعۋىن تالاپ ەتكەن دەمپاريالىقتار 6 ساعاتتان اسا ۋاقىت عيمارات الدىندا نارازىلىق ءبىلدىردى. ولار باس بانكير قابىلدامايىنشا، اشتىق جاريالاپ سوندا قالاتىنىن مالىمدەدى. بىراق دوساەۆتىڭ ورنىنا پولتسيەيلەر كەلدى. ساعات 18.30 شاماسىندا بەلسەندىلەردى كۇشتەپ ۇستاپ اكەتكەن.

بەلسەندى ايگەرىم تىلەۋجان Facebook جەلىسىندەگى پاراقشاسىندا نارازى تاراپتىڭ اتىنان بيلىككە بىرنەشە تالاپ قويعان:

  • جەكە تۇلعالاردىڭ بانكروتقا ۇشىراۋى جونىندە زاڭ قابىلداۋ;
  • كوللەكتورلىق كومپانيالاردا تىركەلگەن پروبلەمالىق نەسيەلەردى كەشىرۋ;
  • بەلسەندىلەر جيناعان 100 مىڭ ءوتىنىشتى قاراپ، ماسەلەلەرىن شەشۋ;
  • وكىلەتىن اسىرا پايدالانعان كوللەكتورلىق كومپانيالار مەن سوت ورىنداۋشىلارىن جاۋاپقا تارتۋدى قاراستىراتىن زاڭ قابىلداۋ;
  • شاعىن نەسيەلىك كومپانيالاردىڭ پايىز ساناۋى، ءوسىمپۇل قوسۋىن مەملەكەتتىڭ رەتتەپ، قاداعالاۋى.

ەۋرازيالىق ەكونوميكالىق كوميسسيانىڭ (ەەك) قارجىلىق ستاتيستيكا ءبولىمىنىڭ مالىمەتىنشە, قازاقستاندىقتاردىڭ 2020 جىلعى ەكىنشى دەڭگەيلى بانكتەر الدىنداعى بورىشى 7,1 ترلن تەڭگەگە (16,6 ملرد دوللار) جەتكەن. بۇدان وزگە يپوتەكالىق قارىز كولەمى 600 ملرد تەڭگە (1,4 ميلليارد دوللارعا) بولعان.

The Qazaq Times