استانا شەتىندەگى كىشى تالدىكولدى كومۋ ۋاقىتشا توقتالدى. بۇل جونىندە قالا اكىمىنىڭ قۇرىلىسى جونىندەگى ورىنباسارى نۇرلان نۇركەنوۆ ەكولوگيا ماسەلەسى بويىنشا رەسپۋبليكالىق قوعامدىق كەڭەس جيىنىندا ايتقان، دەپ جازدى ازاتتىق راديوسى.
نۇرلان نۇركەنوۆتىڭ كولگە قاتىستى ايتقانىن تالدىكولدى ساقتاپ قالۋ جونىندە باستاما كوتەرىپ جۇرگەن بەلسەندىلەردىڭ ءبىرى ءجاميلا سادىقوۆا Facebook پاراقشاسىندا جاريالادى.
ونىڭ سوزىنشە، "نۇر وتان" پارتياسى ەكولوگيا ماسەلەسى بويىنشا رەسپۋبليكالىق قوعامدىق كەڭەس شاقىرعان، وعان ەكولوگيا بەلسەندىلەرىنەن وزگە استانا اكىمدىگى مەن ەكولوگيا مينيسترلىگى وكىلدەرى قاتىسقان.
"تالدىكول بورسىعان كول دەيتىن ءميفتىڭ كۇلى كوككە ۇشتى. ەكولوگ رۋسلان ءورازاليننىڭ پرەزەنتاتسياسىنان كەيىن الۋان ءتۇرلى فلوراسى مەن فاۋناسى بار، ءوزىن ءوزى تازارتاتىن ەكولوگيا جۇيەسى قالىپتاسقان، 13 مىڭ جىلدان بەرى كەلە جاتقان ءتىرى كول ەكەنىنە جۇرتتىڭ ءبارىنىڭ كوزى جەتتى" دەپ جازادى ءجاميلا سادىقوۆا.
قوعامدىق كەڭەس "جاعداي تولىق ايقىندالعانشا كولدى كومۋدى توقتاتا تۇرۋ" تۋرالى شەشىم قابىلداعان جانە استانا اكىمدىگىنە كول توڭىرەگىنە سالىناتىن قۇرىلىس تۋرالى قۇجاتتاردى جاريالاۋدى مىندەتتەگەن.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى