اقش پرەزيدەنتى جو بايدەن رەسەيدىڭ "سولتۇستىك اعىس-2" جوباسىنا سالىناتىن سانكتسيانى قابىلداماي تاستادى. بۇل تۋرالى امەريكالىق Axios اقپارات اگەنتتىگى ءوزىنىڭ ماڭىزدى اقپارات كوزدەرىنە سۇيەنە وتىرىپ حابارلاعان. 

اگەنتتىك  حابارىنا  قاراعاندا ۋاشينگتون بۇل شەشىمدى گەرمانيامەن قارىم-قاتىناسىن بۇزىپ الماۋ ءۇشىن قابىلداعان. رەسەيدىڭ "سولتۇستىك اعىس-2" جوباسى كوگىلدىر وتىندى گەرمانياعا جەتكىزۋدى كوزدەيدى.

بۇعان دەيىن جوباعا قاتىساتىن بارلىق كومپانيالار  اقش سانكتسياسىنا ىلىنەتىنى  بەلگىلى بولعان. الايدا، جاڭا شەشىم بويىنشا اقش سانكتسياسى تەك رەسەيدىڭ رەسمي ورىندارىنا باعىتتالىپ كەتتى.

رەسەي ءۇشىن اسا ماڭىزدى بولعان جوبا قازىرگە دەيىن 95 پايىزعا جۋىق ورىندالىپ بولعان. ساراپشىلار بايدەننىڭ جاڭا شەشىمى كۇتپەگەن جاعداي دەپ باعالاسۋدا. رەسەيلىك سوت پەن وزگە رەسمي ورىندارعا باعىتتالعان سانكتسيا جوبانىڭ ىسكە اسۋىنا كەدەرگى كەلتىرمەيدى.

تاۋەلسىز ساراپشىلار بۇنىڭ ارتىندا بەيمالىم كەلىسىسدەر بولۋى دا مۇمكىن دەپ بولجايدى.

"The Qazaq Times"