قازاقستاننىڭ كونستيتۋتسيالىق كەڭەسىنىڭ مالىمەتىنشە, پرەزيدەنت توقاەۆ ۆەدومستۆودان«ادۆوكات قىزمەتى تۋرالى» زاڭعا ەنۋى ىقتيمال وزگەرىستەردىڭ اتازاڭعا سايكەستىگىن تەكسەرۋدى سۇرادى.

ۆەدومستۆو وسى ءىس بويىنشا كونستيتۋتسيالىق كەڭەس وتىرىسىنا ماتەريالدار دايىنداۋ جۇمىستارى باستالعانىن حابارلاپ، ادۆوكاتتاردان 20 مامىرعا دەيىن جوباعا قاتىستى كاسىبي پىكىر-ۇستانىمدارىن جەتكىزۋدى سۇرادى.

بۇل جونىندە 11 مامىر العاش ادۆوكات ايمان وماروۆا Facebook جەلىسىندەگى جەكە پاراعىندا بولىسكەن.

كوكتەم تۋعالى بەرى ەلدەگى بىرقاتار زاڭگەرلەر مەن ادۆوكاتتار «ادۆوكات قىزمەتى جانە زاڭگەرلىك كومەك» (قۇجاتتىڭ تولىق اتاۋى – «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ادۆوكاتتىق قىزمەت جءانە زاڭ كءومەگى مءاسەلەلەرى بويىنشا ءوزگەرىستەر مەن تولىقتىرۋلار ەنگىزۋ تۋرالى» دەپ اتالادى) تۋرالى زاڭعا ەنگىزىلەتىن تۇزەتۋلەردى الىپ تاستاۋدى تالاپ ەتكەن ەدى. ولار «زاڭگەرلەر، ادۆوكاتتاردىڭ ءىسىن رەتتەۋگە» باعىتتالعان تۇزەتۋلەر شىن مانىندە زاڭگەرلەردى مەملەكەتكە باعىندىرۋدى كوزدەيدى. تاۋەلسىز سالا مەملەكەتكە باعىنسا، ەلدە تاۋەلسىز زاڭگەرلەر قالمايدى دەپ الاڭداعان. ولار سوعان بايلانىستى ميتينگ دە وتكىزبەك بولعان. ادىلەت مينيسترلىگى تالاپكەر تاراپىنىڭ ءۋاجىن تەرىستەگەن.

قۇقىق قورعاۋشىلار قىرىن قاراعان زاڭ جوباسى ءساۋىر ايىندا پارلامەنتتە تالقىلاۋدان ءوتىپ، پرەزيدەنتكە قول قويۋعا جىبەرىلگەن.

كەيىنگى جيىرما جىل بويى جۇيەدە باس الماي جوعارعى سوت توراعاسى، باس پروكۋرور، سەنات سپيكەرى لاۋازىمدارىندا بولعان قايرات ءمامي توراعالىق ەتەتىن كەڭەسكە ەكس-پرەزيدەنت نۇرسۇلتان نازارباەۆ جانە التى ادام مۇشە. ولاردىڭ قاتارىندا اسحات داۋىلباەۆ، يوگان مەركەل، ۆيكتور مالينوۆسكي، راحمەت مۇقاشەۆ، الىبەك تەمىربەكوۆ، شاپاك ۋنزيلا بار.

"The Qazaq Times"