قىتاي الداعى 6 جىل ىشىندە تايۋانعا (تايۆان) باسىپ كىرۋى مۇمكىن. مۇنداي مالىمدەمەنى اقش-تىڭ ءۇندى-تىنىق مۇحيت قولباسشىلىق شتابىنىڭ كومانديرى سەنات الدىندا جاسادى.

«قىتاي ۇزاق ۋاقىتتان بەرى تايۋاندى وزىنە قاراتۋدى ماقسات ەتىپ كەلگەنى انىق. مەنىڭ ويىمشا، بۇل قاۋىپ الداعى 10 جىلدىقتا، ناقتىراق ايتقاندا الداعى 6 جىل ىشىندە ورىن الۋى مۇمكىن»، – دەدى اقش ادميرالى فيليپس دەۆيدسون (Philips Davidson) سەناتتىڭ قارۋلى كۇشتەر جونىندەگى كوميتەتى الدىندا.

دەۆيدسون سوزىندە امەريكا قۇراما شتاتتارى ءۇشىن تايۋاننىڭ جوعارى ماڭىزعا يە ەكەنىن اتاپ وتكەن. بۇعان قوسا، تايۋان بۇعازىنداعى بەيبىتشىلىك پەن تۇراقتىلىققا قۇراما شتاتتاردىڭ دا مۇددەلى ەكەنىن العا تارتقان. سوندىقتان دا، ءۇندى-تىنىق مۇحيت قولباسشىلىق شتابىنىڭ كومانديرى تايۋانعا اسكەري تەحنيكالار مەن قىزمەت كورسەتۋ باعىتىنداعى قولداۋدى تاباندى جالعاستىرۋدى ۇسىنعان.

اقش ادميرالى فيليپس دەۆيدسون بۇعان دەيىن قىتايدىڭ اقش-قا توندىرەتىن قاۋىپتەرىنىڭ ارتا تۇسكەنىن جانە قۇراما شتاتتار مەن ونىڭ وداقتاس، سەرىستەستەرىنىڭ ءۇندى جانە تىنىق مۇحيتى ايماعىنداعى قىتايدىڭ ىقپالىنا قارسى توسقاۋىلدارىن جەتىلدىرۋ قاجەت ەكەنىن العا تارتقان بولاتىن.

“The Qazaq Times”