اقش پرەزيدەنتى دونالد ترامپ يراننىڭ يادرولىق نىساندارىنا شابۋىل جاساۋدى جاسىرىن تالقىلاعان. بۇل تۋرالى بۇرىنعى جانە قازىرگى شەنەۋنىگتەرگە سىلتەمە جاساي وتىرىپ The New York Times باسىلمى جازدى.

اتالعان باسىلىمنىڭ كورسەتۋىنشە، يرانعا شابۋىل جاساۋ ماسەلەسى جابىق ەسىكتە تالقىلانعان، وعان ۆيتسە-پرەزيدەنت مايك پەنس، مەم.حاتشى مايكل پومپەو جانە قورعانىس ءمينيسترىنىڭ قىزمەتىن اتقارۋشى شتاف جەتەكشىسى قاتىسقان. الايدا، بۇل قاتىسۋشىلار پرەزيدەنت ترامپتىڭ يرانعا شابۋىل جاساۋ تۋرالى ۇسىنىسىن قابىلداماعان. شابۋىلدان كەيىن جاعداي باقىلاۋدان شىعىپ كەتۋى مۇمكىن دەگەن الاڭداۋشىلىقتارىن جەتكىزە وتىرىپ، پرەزيدەنتتى رايىنان قايتارۋعا تىرىسقان.

دەگەنمەن، «نيۋ-يورك ۋاقىت» جازعان بۇل اقپاراتقا قاتىستى اق ءۇي تارابى ەشقانداي پىكىر بىلدىرگەن جوق. باسىلىمنىڭ ايتۋىنشا، ترامپ العا تارتقان ۇسىنىس بويىنشا شابۋىل نىساناسىنا يران ورتالىق قالاسى الىنۋى كەرەك بولعان. سەبەبى، وتكەن اپتادا يراندا شەكتى مولشەردەن 12 ەسە ارتىق ۋران قورىنىڭ بار ەكەنى ءمالىم بولعان ەدى.

“The Qazaq Times”