وتكەن جىلى قىتايدىڭ حۋبەيىنەن باستالىپ بار الەمگە جايىلعان COVID-19 ۆيرۋسى بۇگىندە جەر-الەمنىڭ 46 ميليون ادامىنا جۇعىپ ونىڭ ميليونى قايتىس بولدى. قازىر ۆيرۋس ەۋروپانىڭ كوپتەگەن ەلدەرىندە قايتا ءورشىپ، كارانتين شارالارىن قاتايتۋعا ماجبۇرلەۋدە. وسى رەتتە سولتۇستىك كورەيانىڭ ەڭ جوعارعى باسشىسىدا قاتاڭ ساقتانۋ شاراسىن ىسكە اسىرىپ جاتىر.

بۇگىندە قايتا ورشىگەن ۆيرۋسقا قارسى ەنگىزىلگەن قاتاڭ كارانتيندىك شارالارعا يسپانيا، يتاليا، چەحيا، گەرمانيادا قارسىلىق اكتسيالار ءوتىپ جاتىر.

باتىس ەل بيلىگى كارانتين حالىق نارازىلىعىنا قاراماي شەكتەۋلەردى قاتاڭداتىپ جاتقاندا شىعىستاعى جابىق مەملەكەت سولتۇستىك كورەيانىڭ ەڭ جوعارعى بيلەۋشىسى كيم چەن ىن دا ساقتىق شارالارىن قاتايتقان.

وڭتۇستىك كورەيانىڭ بارلاۋ قىزمەتىنىڭ جەتكىزۋىنشە سولتۇستىك كورەيا باسشىسى كيم چەن ىننىڭ ءوز ەلىندە كوروناۆيرۋستىڭ جوقتىعىن ايتىپ ساقتىق شارالارىن قاتاڭ قولدانىپ جاتقانىن مالىمدەگەن. شەكاراعا كينا كومىپ شەكارادان ادام وتكىزبەۋدىڭ جولىن قاراستىرىپ جاتقانىن ايتىلدى.

ولاردىڭ قاۋپىنشە كوروناۆيرۋستى تاسىمالداۋشىلار قىتايمەن شەكارادان ءوتۋى مۇمكىن ەكەن. سوندىقتاندا شەكاراعا مينا كومىپ شەكارا كۇزەتىن قاتاڭداتۋ كورشى ەلدەردەن كەلەتىن قاۋىپتىڭ الدىن الماق. دەگەنمەن حريستاندىق قايىرىمدىلىق ۇيىمنىڭ وكىلدەرى وندا قۇپيا كارانتيندىك لاگەرلەردىڭ بار ەكەنىن جانە كوپتەگەن ۆيرۋس جۇقتارعان ادامداردىڭ ءوز ۇيلەرىندە جاسىرىنىپ ەمدەلىپ جاتقانىن العا تارتىپ وتىر.

“The Qazaq Times”