وزبەكستاننىڭ يننوۆاتسيالىق دامۋ ءمينيسترى يبروحيم ابدۋراحمانوۆ ەل ازاماتتارىن كوروناۆيرۋسقا قارسى ۆاكتسينامەن تولىق قامتاماسىز ەتۋ ءۇشىن بىرنەشەۋىن سىناقتان وتكىزۋى كەرەكتىگىن مالىمدەدى.

سىناقتان قاتارىنان بىرنەشە ۆاكتسينانى وتكىزۋ ۋاقىت تالابى بولىپ تۇرعانىن ايتقان مينيستر بۇعان سەبەپ كوروناۆيرۋستىڭ ءتۇرلى تيپتەرى بار ەكەنىن العا تارتتى.

ونىڭ ايتۋىنشا بۇگىندە COVID-19 عا قارسى العاشقى ۆاكتسينالاردى سىناقتان وتكەرىپ جاتقان اقش، ەۋروپا، رەسەي، قىتايدىڭ ۆاكتسينالارى بولۋى مۇمكىندىگىن دە ەسكەرتتى.

ابدۋراحمانوۆ، قازىر 15 مىڭ ەرىكتىنىڭ قىتاي ۆاكتسيناسىنان سىناقتان وتكىزۋدىڭ ءۇشىنشى كەزەڭىنە قاتىسىپ جاتقانىن ءارى ولاردىڭ بەس مىڭى وزبەكستاندىق ازامات ەكەنىن، ۆاكتسينانىڭ تيىمدىلىگىن انىقتاۋ جانە سۋبەكتيۆتى ارالاسۋدى ازايتۋ ماقساتىندا  5 مىڭنىڭ جارتىسى پلاتسەبو، جارتىسى تازا ۆاكتسينا الاتىنىن، ءارى ولاردىڭ ەشقايسىسى كىمگە قانداي امپۋلا قولدانعانىن بىلمەيتىنىن ايتتى.

"The Qazaq Times"