باتىستىڭ ىقپالدى اقپارات قۇرالدارى اقش-تاعى پرەزيدەنت سايلاۋىنا الدىن ادا بال اشۋعا تارىسىپ باعۋدا. كەيبىر ءىرى اقپارات اگەنتتىكتەرى كەزەكتى سايلاۋدا سايلاۋ قورىتىندىسىنان بۇرىن ناتيجەسى بەلگىلى بولادى دەپ تە جاتىر. رەسمي داۋىس بەرۋ كۇنى 3 قاراشا بولعانىمەن، قازىرگە دەيىن امەريكالىق داۋىس بەرۋشىلەردىڭ جارتىسى ءوز داۋىستارىن الدىن-الا بەرىپ قويعان. ساۋالناما ناتيجەلەرى جوۋ بايدەن الدا كەلەدى دەپ كورسەتۋدە، بىراق، ءتورت جىل بۇرىن دا ساۋالنامالار ترامپتى ەكىنشى ورىندا كورسەتكەن، الايدا ول امەريكانىڭ 45-ءشى پرەزيدەنتى بولعان.

نە دەسەك تە، ءدال وسىنداي تارتىستى پرەزيدەنت سايلاۋى اقش تاريحىندا بولعان ەمەس. رەسمي سايلاۋ كۇنىنە 3 كۇن قالعاندا سايلاۋ كوميسسياسى 91,6 ملن ادامنىڭ داۋىستارىن پوشتا ارقىلى جىبەرگەنىن مالىمدەپ وتىر. بۇل اقش-تاعى سايلاۋ قۇقىعىنا يە ازاماتتاردىڭ جارتىسىن تۇزەتىن سان. 2016 جىلى 136,5 ملن ادام داۋىس بەرىپ، سايلاۋشىلاردىڭ 67 پايىزىن قۇراعان.

رەسمي مالىمەت بويىنشا، تەحاس شتاتىندا داۋىس بەرۋ قۇقىعى بار ازاماتتاردىڭ 90 پايىزى داۋىس بەرىپ قويدى، 36 شتاتتا سايلاۋشىلاردىڭ جارتىسى داۋىس بەرىپ بولعان. فلوريدا، جوردجيا جانە سولتۇستىك كارولينادا قازان ايى اياقتالماي جاتىپ بيۋللەتەندەردىڭ 70 پايىزى كەلىپ بولعان.

ساراپشىلار بولسا، سايلاۋشىلاردىڭ بۇنداي بەلسەندىلىگى ناتيجەنى جوۋ بايدەننىڭ جەڭىسىنە شەشەدى دەپ قارايدى. رەسمي سايلاۋدان 3 كۇن بۇرىنعى ناتيجە بويىنشا بايدەن قارسىلاسى ترامپتان 9 پايىز داۋىسپەن الدا كەلە جاتىر دەپ كورسەتتى. دەگەنمەن، دەوموكراتتار ساۋالناما ناتيجەسىنە سەنگىسى كەلمەيتىندەي، 2016 جىلى ساۋالناما ناتيجەسى مەن سايلاۋدىڭ قورىتىندى ناتيجەسى قاراما-قايشى بولعان ەدى.

“The Qazaq Times”