تاۋلى قاراباق تاقىرىبىنا يران دا ارالاسقىسى كەلەدى. ير سىرتقى ىستەر ءمينيسترى جەۆاد زاريف الداعى ۋاقىتتا تاۋلى قاراباق جانجالىن شەشەتىن جاڭا ۇسىنىستى ورتاعا سالماق.

زاريف يراندىق تەلەارناعا بەرگەن سۇحباتىندا قاراباقتاعى قاقتىعىستى توقتاتىپ، تاراپتاردى بىتىمگە كەلتىرەتىن جاڭا جوبا دايىنداپ جاتقانىن ايتتى. ول اتالعان يراندىق جوبانى تاراپتارعا جەتكىزۋ ءۇشىن ءوزىنىڭ ورىنباسارى ابباس ەراكچي ەرەۆان مەن باكۋگە ساپارلاي باراتىنىن دا ايتقان.

تاۋلى قاراباقتا قارۋلى قاقتىعىس باستالعان كەزدە تۇركيا بەلسەندى ارالاسۋعا نيەت بايقاتتى. كەيىن رەسەي تاراپتاردى ماسكەۋدە وتىرىپ سويلەسۋگە شاقىردى. كرەمل ارا اعايىندىق ەتكەن كەلىسىم باستالماي جاتىپ ءبۇلىندى. بۇدان سوڭ ءازىربايجان مەن ارمياندى تاتۋلاستىرماق بولىپ ۋاشينگتون ەكى ەلدىڭ ءسىم باسشىلارىن شاقىرعان. وندا دا قول قويىلعان كەلىسىم باياندى بولماي شىقتى. ەندى مىنە يران ءوز جوباسىن تاستاپ كورمەك.

يران تاۋلى قاراباق ماسەلەسىنە ءسال قاراي قويمايدى. يراننىڭ بۇل جەردەگى كۇيى قازاقستاننىڭ جاعدايىنا كەلەتىندەي. ءبىر جاعىنان مۇسىلمان باۋىرلاس ازىرلەردىڭ تاۋلى قاراباقتى وزىنە قاراتىپ، رەسەي باس بولعان ۇيىمداردىڭ جانسىزدانا تۇسكەنىن قالايدى. ەندى ءبىر جاعىنان، ارمەنيانىڭ از ۋاقىت بولسا دا ءازىربايجان مەن تۇركيانى شەكارالاستىرماي، ورتاسىنان قاق بولە تۇرعانىن، تىلەيدى. وعان قوسا يرانداعى باسىم كوپ حالىق سانىنا يە ەتنيكالىق ءازىربايجانداردىڭ دا تاقىرىبى بار. سوندىقتان دا تەھران بيلىگى تاۋلى قاراباق ماسەلەسىن ءوز مۇددەسىنە ىڭعايلاۋعا ارەكەت ەتەرى ءسوزسىز.

“The Qazaq Times”