اقش-تاعى پرەزيدەنت سايلاۋعا ءبىر اپتادان اسا ۋاقىت قالدى. قازىرگى پرەزيدەنت دونالد ترامپ پەن دوموكراتتاردىڭ ۇمىتكەرى جوۋ بايدەن ۇگىت-ناسيحاي كەزەڭىندەگى سوڭعى پىكىرتالاسىن وتكىزدى. الدىنعى پىكىرسايىستاعىداي تاراپتار ءبىر-بىرىنە ەسە بەرمەي ەگەرلەسپەس ءۇشىن، بۇل رەت ەكى تالاپكەردىڭ دە ميكروفوندارى بەلگىلى تارتىپپەن قوسىلىپ تۇردى.

كەزەكتى پىكىرسايىس بارىسىندا ترامپ پەن بايدەن ءبىر-بىرىنە سالقىن مامىلە تانىتتى، العاشقى تاقىرىپتارى ىندەتكە قارسى كۇرەس بولدى. پرەزيدەنت ترامپ ىندەت جاعدايىنىڭ تۇراتانا باستاعانىن، شتاتتاردا ۆيرۋس جۇقتىرعاندار سانى قىسقارا باستاعانىن العا تارتتى. ول سونداي-اق، كوروناۆيرۋسقا قارسى ۆاكتسينانىڭ دايىن بولعانىن، الداعى اپتادا جالپى جۇرتقا جاريا ەتىلەتىنىن مالىمدەدى. سونىمەن بىرگە ءوزى دە ىندەتتەن ساقايعان پرەزيدەنت كوروناۆيرۋس جۇقتىرعانداردىڭ 99 پايىزى جازىلىپ شىعاتىنىن ايتتى.

جوۋ بايدەن ترامپتى كوروناۆيرۋستىڭ داعدارىسى كەزىندە لايىقتى ستراتەگياسى جوق دەپ ايىپتادى. ول الەمدەگى ۆيرۋس جۇقتىرعاندار سانى بويىنشا اقش-تىڭ كوش باستاپ تۇرعانىن العا تارتا وتىرىپ، ترامپ اكىمشىلىگىنىڭ ىندەتكە قارسى شارالاردا وسالدىق قىلدى دەپ سىنعا الدى. بايدەننىڭ ەسەبىنشە وسى بەتى كەتە بەرسە جىل سوڭىنا قاراي 200 مىڭ ادام ۆيرۋستان كوز جۇمباق ەكەن.

پىكىرتالاستان بۇرىن اقش بارلاۋ قىزمەتى رەسەي مەن يراننىڭ سايلاۋعا ارالاسۋعا ارەكەت ەتىپ جاتقانى تۋرالى مالىمەت تاراتقان ەدى. جوۋ بايدەن اقش سايلاۋىنا ارالاسپاق بولعان ەلدەرگە قاتاڭ جاۋاپ بولاتىنىن ەسكەرتتى. پىكىرتالاستىڭ ەكىنشى تاقىرىبىندا كەلەسى پرەزيدەنتتىككە ۇمىتكەر ەكەۋى ۇلتتىق قاۋىپسىزدىك ماسەلەسى بويىنشا دا ايتىستى. بايدەن رەسەي مەن يراندى اقش-تىڭ ەگەمەندىگىنە قول سالىپ جاتىر دەپ ايىپتاي كەلە، ماسكەۋ ترامپتىڭ جەڭىسكە جەتكەنىن قالايدى دەپ كورسەتتى.

بايدەن مەن ترامپ تا ءبىر-ءبىرىن كرەملدەن اقشا الىپ وتىر دەپ ايىپتادى. «جوۋ رەسەيدەن 3,5 ملن دوللار اقشا الدى، بۇل اقشا ءسوز جوق پۋتيننەن كەلدى. سەن 35 ملن دوللار الدىڭ، وتباسىڭ 3,5 ملن دوللار الدى، بۇل تۋرالى سەن ءبىر كۇنى تۇسىنىك بەرىپ تۇراسىڭ. ءبىر دە ءبىر ليدەر رەسەيگە مەنەن قاتال پوزيتسيا جاساعان ەمەس»، – دەدى ترامپ پىكىرسايىس كەزىندە.

 

“The Qazaq Times”