اقش يراندىق 18 بانككە سانكتسيا سالاتىنىن مالىمدەدى. سانكتسيا جوسپارىن قارجى مينيسترلىگىنە قاراستى شەتەلدىك بايلىقتاردى باقىلاۋ جونىندەگى اگەنتتىك جاساعان. بۇل تۋرالى قارجى ءمينيسترلى ستيۆەن منۋچين جاريا ەتتى.

«يران تارابى تەرروريزمدى قولداۋىن جانە يادرولىق باعدارلامالارىن توقتاتقانعا دەيىن سانكتسيا جالعاسا بەرەدى»، – دەدى منۋچين مالىمدەمەسىندە. ول سونداي-اق، كەزەكتى سانكتسيا شارالارى يراننىڭ تەرريتوريزمگە قولداۋ كورسەتۋ ارەكەتتەرىنە ءونىمدى شەكتەۋ قويا الادى.

تەھران تارابى بۇعان اشۋلى جاۋاپ قايتاردى. ءسىم باسشىسى مۇحاممەد جەۆاد زاريف ءوزىنىڭ تۆيتتەردەگى پاراقشاسى ارقىلى اقش سانكتسيا شەشىمىن «ماقساتتى تەررورلىق ارەكەت» دەپ باعالاعان. ول سونداي-اق، اقش سانكتسياسى يران بانكتەرىنىڭ ازىق-تۇلىك پەن ءدارى-دارمەك تولەمدەرى مەن اقشا اۋدارىمدارىن دا قامتيتىنىن، جاھاندىق ىندەت كەزىندەگى بۇنداي سانكتسيا ەلدىڭ دەنساۋلىق ساقتاۋ جانە حالىقتى الەۋمەتتىك قامتۋ مۇمكىندىگىنە شەكتەۋگە باعىتتالعان دەپ ايىپتاعان.

“The Qazaq Times”