قىرعىزستان ورتالىق سايلاۋ كوميسسياسى 4 قازان كۇنى وتكەن جوگوركۋ كەنەش دەپۋتاتتارىن سايلاۋ ناتيجەسىن جارامسىز دەپ تانىدى. بۇل تۋرالى 24.kg اقپارات قۇرالى كوميسسيا مۇشەسى گۇلنار جوراباەۆاعا (گۋلنار جۋراباەۆا) سىلتەپ جاريالادى.
ونىڭ ايتۋىنشا، ءوزىن-ءوزى تاراتۋ ماسەلەسى دە تالقىلانعان.
«مەنىڭ ويىمشا، وسى سايلاۋ ناۋقانىندا ءبىز ءوزىمىزدىڭ بەدەلىمىزدى تۇسىردىك، سوندىقتان بۇل جاعدايدا ەڭ جاقسى جانە دۇرىس شەشىم مەرزىمىنەن بۇرىن وتستاۆكاعا كەتۋ تۋرالى شەشىم بولادى»، – دەيدى گۇلنارا جۋراباەۆا.
كوميسسيا جوگوركۋ كەنەش قۇرامىن وندا ۇسىنىلعان فراكتسيالاردىڭ كۆوتالارىنا سايكەس تۇزەدى.
بۇگىن، 6 قازان ساعات 11:00-دە (الماتى جانە بىشكەك ۋاقىتىمەن) پرەزيدەنت سوورونباي جەەنبەكوۆ ورتالىق سايلاۋ كوميسسياسىنا «زاڭ بۇزۋشىلىقتاردى مۇقيات تەكسەرىپ، قاجەت بولعان جاعدايدا سايلاۋ ناتيجەسىن جويۋدى» ۇسىنعان ەدى.
«ءۇشىنشى توڭكەرىستى» وتكەرىپ جاتقان قىرعىزستاندا پارلامەنت سايلاۋىن «ءادىل ءارى اشىق وتكىزە المادى» دەلىنەتىن بيلىك تاراپى مەن وسك قورىتىندىسىنا نارازىلار ەكى كۇننەن بەرى باس كوتەرىپ، قارسىلىق بىلدىرۋدە.
وسك-ءنىڭ 4 قازان كۇنى وتكەن پارلامەنت سايلاۋى تۋرالى بولجالدى ەسەبىنە سايكەس، جەتى پايىزدان جوعارى داۋى جيناعان ءتورت پارتيا پارلامەنت بوساعاسىنان وتكەن. ولار: «بيريمديك» پارتياسى – 24,5%، «مەكەنيم كىرگىزستان» – 23,9%، «كىرگىزستان» – 8,7%، «ءبۇتۇن كىرگىزستان» – 7,09% داۋىس جيعان.
رەسپۋبليكاشىلدار يمميگراتسيالىق وپەراتسيانى سىنعا الدى، بىراق ترامپتى اشىق ايىپتاۋدان تارتىندى
ۇكىم وزگەرمەدى. مەملەكەتتىك ءتىلدىڭ قۇنى — ءتورت جىل تۇرمە مە؟
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى