ترامپ كوروناۆيرۋس جۇقتىرعانىن مالىمدەدى

اقش پرەزيدەنتى دونالد ترامپ جانە جۇبايى مەلانيا ترامپ كوروناۆيرۋس جۇقتىرعانى بەلگىلى بولدى.

ترامپ  Twitter پاراقشاسىندا COVID-19 ينفەكتسياسىن انىقتاۋعا ارنالعان پتر تەستى وڭ قورىتىندى كورسەتكەنىن جازدى.

«ءبىز دەرەۋ كارانتين جانە ەمدەۋ شاراسىن باستايمىز. مۇنى بىرگە جەڭەمىز»، – دەپ جازدى ول 2 قازان استانا ۋاقىتىمەن ساعات 10:54-تە.

بۇعان دەيىن وسى اپتادا پرەزيدەنتتىڭ ەكى بىردەي ءىس-ساپاردا پرەزيدەنتپەن بىرگە جۇرگەن اق ۇيدە كەڭەسشى حوۋپ حيكستەن دە كوروناۆيرۋس انىقتالعان ەدى.

دجونس حوپكينس ۋنيۆەرسيتەتىنىڭ مالىمەتىنە قاراعاندا، اقش-تا 7,27 ملن ادام اۋرۋ جۇقتىرىپ، 208 مىڭعا جۋىعى قايتىس بولعان. بيىل قاراشا ايىندا امەريكاداعى ەڭ ءىرى ەلدەردىڭ ءبىرى سانالاتىن ەلدە پرەزيدەنت سايلاۋى ءوتۋى ءتيىس. ءتىپتى پاندەميا جاعدايىنا بايلانىستى ترامپ سايلاۋدىڭ ۋاقىتىن شەگەرۋدى ۇسىنعان. دەگەنمەن قوعامدىق ينستيتۋتتار مەن ساياسي كۇشتەر بۇعان كەلىسپەي، زاڭدا كورسەتىلگەن مەرزىمدە وتەدى دەپ جوسپارلانعان.

“The Qazaq Times”