كوروناۆيرۋستان ايىققان ەكى بالا كاۆاساكي سيندرومىنا ۇقساس اۋرۋدان قايتىس بولعان

پەدياتريا جانە بالالار حيرۋرگياسى عىلىمي ورتالىعىنىڭ باسقارما توراعاسى ريزا بورانباەۆا قازاقستاندا ەكى بىردەي بالانىڭ كاۆاساكيگە ۇقساس اۋرۋدان قايتقانىن حابارلادى. بۇل تۋرالى ازاتتىق راديوسى جاريالادى.

دارىگەرلەردىڭ ايتۋىنشا، اتا-انالار بالالارىن اۋرۋحاناعا كەش جەتكىزگەن. ەكى جانە ءۇش جاستاعى بالالار ەمحاناعا قىزىل جەگى اۋرۋىنىڭ بەلگىلەرىمەن تۇسكەن. دارىگەرلەر ولاردىڭ ومىرىنە اراشا بولا الماعان.

قايتىس بولعان ەكى بالاعا بىرنەشە اپتا بۇرىن COVID-19 ينفەكتسياسى جۇققان. «قازىر ارتەرياعا اسەر ەتەتىن كاۆاساكي سيندرومىنا ۇقساس قابىنۋ سيندرومى كورناۆيرۋستىڭ جاڭا تۇرىمەن اۋىراتىن بالالاردا پايدا بولىپ جاتىر» دەيدى دارىگەرلەر.

ريزا بورانباەۆا ەلدە كاۆاساكي سيندرومىنا ۇقساس كوپجۇيەلى (مۋلتيسيستەمالىق) قابىنۋ سيندرومىنان 41 بالا شالدىققانىن، ونىڭ 37-ءسى جازىلىپ شىققانىن مالىمدەدى. سونداي-اق، ايىققان بالالاردىڭ بويىندا انتيدەنە قالىپتاسقان.

دارىگەرلەردىڭ سوزىنشە، كوروناۆيرۋستىڭ كەز كەلگەن دەڭگەيىمەن (اۋىر، ورتا، جەڭىل) اۋىرىپ-ايىققان بالا كاۆاساكيگە ۇقساس كوپجۇيەلى قابىنۋ سيندرومىمەن اۋرۋى مۇمكىن. COVID-19 ينفەكتسياسىنان جازىلىپ شىققان كۇننىڭ وزىندە دە 2-6 اپتا ارالىعىندا بالانىڭ دەنە قىزۋى كوتەرىلىپ، بورتپە پايدا بولسا، بىردەن دارىگەرگە جۇگىنۋى ءتيىس.

“The Qazaq Times”