كوروناۆيرۋس سياقتى كوۆيدتىك پنەۆمونيانىڭ كۇن سايىنعى ايماقتىق كورسەتكىشى قاشان جاريالانادى؟ مينيستر تسوي تامىز ايىنىڭ العاشقى اپتاسىندا كوروناۆيرۋستىق پنەۆمونياعا شالدىققانداردىڭ ايماقتىق ەسەبىن جاريالاۋعا ءسوز بەرگەن. الايدا ءالى كۇنگە دەيىن بۇل جونىندە تولىققاندى اقپارات بەرىلمەدى.
Vلاست ينتەرنەت-جۋرنالىنىڭ استانا بيۋروسىنداعى ءجۋرناليسى تامارا ۆاال 3 تامىز كۇنگى بريفينتە مينيستر الەكسەي تسويعا «سىزدەر پنەۆمونيا دەرەگىن ايماقتار بويىنشا قاشاننان باستاپ جاريالاماقسىزدار؟ الدە جيىنتىق ەسەبىن عانا كورسەتەسىزدەر مە؟» دەپ سۇراق قويعان. وسىدان جيىرما كۇن بۇرىن دەنمين جەتەكشىسى ايماقتارداعى كوروناۆيرۋستىق پنەۆمونيانىڭ كورسەتكىشى دايىن ەكەنىن جانە سول اپتادا-اق تۇراقتى تۇردە جاريالاۋدى جولعا قويۋعا ءسوز بەرگەن.
«ءسىز الدىڭىزداعى ءجۋرناليستىڭ ءسوزىن تىڭداعان بولارسىز. ايماقتارداعى كورسەتكىشىن سايتىمىزدا جاريالايمىز. تاپ قازىر قولىمدا بار. نەگىزى مۇنداي كوپ تسيفرى بار ماتەريالدى ەلەكتروندى نە قاعاز تۇرىندە جاريالاعان دۇرىس دەپ ويلايمىن. وسى اپتادا جاريالاپ، كورسەتەمىز»، – دەگەن تسوي.
بۇگىن، تامىزدىڭ 24-ءى ورتالىق كوممۋنيكاتسيا قىزمەتىندە وتكەن ءداستۇرلى بريفينگتە ۆەدومستۆونىڭ رەسمي وكىلى باعدات قوجاحمەتوۆ اتالعان ماسەلەگە تۇسىنىكتەمە بەردى.
«ءيا، وكىنىشكە وراي، دارىگەرلەر پتر تەستى تەرىس كورسەتكەن ناۋقاستاردى دەرەكقورعا ەنگىزۋ مەحانيزمىن ءالى دە ۇيرەنىپ جاتىر. الداعى 2-3 اپتا ىشىندە نە ءبىر ايدا بۇل اقپاراتتى اپتا سايىن بەرىپ تۇرامىز. ...مۇمكىن ول كىسى ءبىر اپتادا جولعا قويىلاتىن شىعار دەپ ۇمىتتەنگەن شىعار»، – دەدى ول.
قازاقستاندا پاندەميا بارىسىندا 13 ناۋرىزدان باستاپ كوروناۆيرۋس جۇقتىرعانداردىڭ سانى كۇندەلىكتى جاريالانىپ كەلەدى. ساراپشىلار مۇنى رەسپۋبليكا تۇرعىندارى اشىق اقپاراتتىڭ كومەگىمەن ەپيدەميالىق جاعدايدى باقىلاپ، ساقتانۋىنا سەپ بولاتىنىن ايتادى. سونىمەن قاتار، ايماقتارداعى جاعدايعا بايلانىستى ءارتۇرلى باعىتتا زەرتتەۋ جۇمىسى ءۇشىن دە ينفەكتسيالىق پنەۆمونيا اتلاسى ماڭىزدى. بىراق كلينيكاسى كوروناۆيرۋسقا ۇقساس اقوكپە اۋرۋىنىڭ بۇگىنگى تارالۋ ايماعى بەلگىسىز.
جاڭا فورماتقا كوشكەن دەنمين ەسەبى بويىنشا، پاندەميا كەزىندە 127 مىڭنان (U07.1 – 104 718, U07.2 – 22 744) استام ادام اۋىرىپ، ىندەتتىڭ كەسىرىنەن (كوروناۆيرۋس – 1523, كوۆيدتىك پنەۆمونيانى – 258) 1781 ادام قايتىس بولعان. بىراق سونىڭ 793-ءى تەك تامىز ايىندا تىركەلگەن.
وتكەن كۇنى قازاقستاندا كوروناۆيرۋس جۇقتىرعان 175, شىعۋ ورنى بەلگىسىز كوۆيدتىك پنەۆمونياعا شالدىققان 84 ادام انىقتالدى. اقپارات الماسۋدى جىلدامداتىپ، ساپاسىن كوتەرۋ ماقساتىندا مينيسترلىك جانىنان مەديا ورتالىق قۇرىلعانىمەن، پنەۆمونيا ستاتيستيكاسى اپتاسىنا ءبىر رەت رەسمي وكىلدىڭ بايانداماسىندا جالپىلاي عانا حابارلانىپ وتىر.
Coronavirus2020.kz رەسۋرسىنداعى 23 تامىز كۇنگى جاعداي
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
"انتي-اەس" قوعامدىق قوزعالىسى: بيلىك اەس-كە قارسىلاردىڭ قۇقىقتارىن بۇزۋدا
رىسبەك سارسەنبايۇلى: اەس – جارىلىپ كەتۋگە شاق تۇرعان بومبانى قۇشاقتاپ وتىرعانمەن بىردەي
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
پروكۋروردىڭ ەسكەرتۋى. دۋمانعا بوستاندىق! ادۆوكات ءابليازوۆتان العان جاۋابىن ىسكە تىركەتتى.