فوتو: اشىق دەرەككوز

گرەك-ريم كۇرەسiنەن تۇڭعىش وليمپيادا چەمپيونى جاقسىلىق ۇشكەمپiروۆ قايتىس بولدى.

قازاقستان گرەك-ريم، ەركىن جانە ايەلدەر كۇرەسى فەدەراتسياسىنىڭ حابارلاماسىندا: «گرەك-ريم كۇرەسiنەن تۇڭعىش وليمپيادا چەمپيونى، الەم چەمپيونى، قازاقستاننىڭ ەڭبەك ەرi, «بارىس»، «قۇرمەت»، «پاراسات» وردەندەرىنىڭ يەگەرى جاقسىلىق ءامiرالiۇلى ۇشكەمپiروۆ اعامىز باقيلىق بولدى. باتىر اعامىزدىڭ ماسكەۋ وليمپياداسىنداعى ەرلىگiنە بيىل 40 جىل بولىپ ەدى...

مارقۇمنىڭ بارلىق تۋعان-تۋىستارىنا، وتباسىنا، جورا-جولداستارىنا، بارشا قازاقستان كۇرەسiنiڭ جانكۇيەرلەرىنە قايعىرىپ كوڭىل ايتامىز!»، – دەلىنگەن.

مارقۇمنىڭ ءولىمىنىڭ سەبەبى ايتىلمادى.

جاقسىلىق ۇشكەمپىروۆ 1951 جىلى 6 مامىردا جامبىل وبلىسى سۆەردلوۆسك اۋدانى، ديحان اۋىلىندا دۇنيەگە كەلگەن. ماسكەۋدەگى 1980 جىلعى وليمپيادا ويىندارىندا 48 كيلوگرامم سالماعىندا چەمپيون اتانعان. بالۋان وليمپيادادان سوڭ 1981 جىلى الەم بىرىنشىلىگىندە التىن مەدال العان.

"The Qazaq Times"