بۇگىن گونكونگتا «قىتاي ۇلتتىق قاۋىپسىزدىك اگەنتتىگى» رەسمي تۇردە اشىلدى. وسىلايشا، قىتايلىق ۇلتتىق قاۋىپسىزدىك قىزمەتكەرلەرى گونكونگ تۇرىعىندارى مەن كوپتەگەن ەلدەردىڭ نارازىلىعىنا ۇشىراعان زاڭدى رەسمي اتقارا باستادى.

گونكونگتەگى ۇلتتىق قاۋىپسىزدىك اگەنتتىگى كەڭسەسى زاڭ قابىلدانا سالىسىمەن بىردەن قۇرىلدى، ونىڭ شتاب-پاتەرى ۋاقىتشا ۆيكتوريا حاربورىنا جاقىن جەردەگى «ۋەي جيڭ» قوناق ۇيىندە ورنالاسقان.
Agence France-Presse حابارىندا، اتالعان اگەنتتىكتىڭ اشىلۋىنا گونكونگ ۇكىمەتى مەن پوليتسيا قىزمەتكەرلەرى قاتىسقانىن. قوناق ءۇيدىڭ سىرتىنا قىتايدىڭ ەلتاڭباسى ءىلىنىپ، بايراعى كوتەرىلگەن. پوليتسيا قوناقۇي الدىنا بوگەتتەر قويىپ، جولداردى جاۋىپ تاستاعان. بۇل قىتاي بيلىگىنىڭ گونكونگقا قاتىستى زاڭدى اتقارۋعا رەسمي تۇردە كىرىسكەنىن كورسەتەدى.
بەيجىڭ داۋلى زاڭ جوباسىن وتكەن اپتادا قابىلداعان بولاتىن. بۇل زاڭ جوباسى شەتەلدىك بولشەكتەۋشى كۇشتەر مەن تەرروريزمگە قارسى زاڭ جوباسى رەتىندە كورسەتىلگەن. زاڭنىڭ تولىق مازمۇنى ءالى كۇنگە دەيىن قۇپيا جانە بۇل زاڭعا گونكونگتىڭ زاڭ شىعارۋشى ورگاندارى قارسى شىقپادى.

جاڭا زاڭ قابىلداۋىنا بايلانىستى قىتاي مەن باتىس ەلدەرى اراسىنداعى قايشىلىق ودان ءارى ۋشىعا ءتۇستى. اقش تارابى قىتايعا باعىتتاپ سانكتسيا جوباسىن دايىنداعان بولسا، ال اعىلشىندار بۇرىنعى يەلىگندەگى ەل تۇرعىندارىننان الاڭداپ، گونكونگ تۇرعىندارىنا بريتان جەرىنە كوشۋگە رۇقسات بەرەتىنىن مالىمدەگەن. بۇنداي قايشىلىققا قاراماستان قاراماستان قىتاي بۇگىن گونكونگتا ۇلتتىق قاۋىپسىزدىك اگەنتتىگنىڭ كەڭسەسىن اشتى.

"The Qazaq Times"