يراندا سوڭعى اپتالاردا Covid-19 جۇقتىرعاندار سانى كۇرت كوبەيدى. حالىقارالىق ەكسپەرتتەر بۇل پاندەميانىڭ ەكىنشى تولقىنى دەپ الاڭداپ وتىر. يراندا قايتالاي توتەنشە جاعداي جاريالانۋى مۇمكىن.

ستاتيستيكالىق مالىمەتتەردى سالىستىرعاندا، يراندا ماۋسىم ايىنىڭ العاشقى اپتاسىندا كورونا ۆيرۋس جۇقتىرعاندار سانى مامىردىڭ سوڭعى اپتاسىنا قاراعاندا 50 پايىزعا كوپ بولعان. بۇعان دەيىن مەشىتتەر مەن بازارلاردى جابۋعا قارسى بولىپ كەلگەن ەل ەندى كارانتين شاراسىن كۇشەيتۋگە ءماجبۇر بولىپ وتىر.

ددۇ كوكتەگەن ەلدەردى كارانتينا شارالارىن ەرتە بوساتتى دەپ سىنعا الدى، بۇل پاندەميانىڭ ەكىنشى تولقىنىنا كۇش بەرەدى دەپ ەسكەرتۋدە. يران قاتاڭ كارانتين شارالارىن توقتاتۋعا اسىقپاعان، الايدا ەكونوميكانىڭ جالعاستى قۇلدىراپ، الەۋمەتتىك داعدارىسقا ۇرىندىرماۋ ءۇشىن شەكتەۋ شارالارىن بوساتتى.

الەم ەلدەرىندە كارانتين شارالارى الىنىپ تاستالعاننان كەيىن اقش باستاپ، مولدوۆا، وڭتۇستىك كورەيا، پاكىستان قاتارلى ەلدەردە ۆيرۋس جۇقتىرعاندار سانى سەكىرىس جاسادى.

يراننىڭ دەنساۋلىق ساقتاۋ ءمينيسترىنىڭ ايتۋىنشا ەلدە تەست انىقتاۋلار كوبەيگەندىكتەن ستاتيستيكا وسكەن. الايدا ەلدە ۆيرۋس جۇقتىرىپ قازا بولعاندار سانى ءساۋىردىڭ باس شەگىندەگىدەي تاۋلىگنە 100 ادامنان كەم بولماي تۇر.

"The Qazaq Times"