ايەلدەر قۇقىعىن قورعاۋدى تالاپ ەتكەن بەلسەندىلەرگە ايىپپۇل سالىندى

الماتىنىڭ مامانداندىرىلعان اۋدانارالىق اكىمشىلىك سوتى مەكەرە كۇنى ايەلدەر مارشىنا قاتىسقان بىرنەشە بەلسەندىگە ايىپپۇل سالدى.

Cۋديا بەلسەندى فاريزا وسپانعا  اكىمشىلىك قۇقىقبۇزۋشىلىق كودەكسىنىڭ 434-بابى 1-تارماعىنا سايكەس ايىپتى دەپ تانىپ، "ۇساق بۇزاقىلىعى ءۇشىن" - 13 مىڭ تەڭگە، ارينا وسينوۆاعا مارشقا قاتىسىپ، "ۇساق بۇزاقىلىق" جاساعانى جانە تىركەۋگە تۇرماعانى ءۇشىن جيىنى 84832  تەڭگە كولەمىندە ايىپپۇل سالعان. اقپارات بويىنشا، سۋديا مارش كەزىندە قاتىسۋشىلاردىڭ قۇشاق گۇلدى ورتەۋىن "بۇزاقىلىق" دەپ باعالاعان.

بۇعان دەيىن 8 ناۋرىز، مەرەكە كۇنى الماتىدا قازاقستاندىق فەمينيستەر ايەلدەر قۇقىعىنىڭ احۋالى مەن تۇرمىستاعى زورلىق-زومبىلىق ماسەلەسى ايتىلعان "قارالى شەرۋ" وتكىزگەن بولاتىن. شەرۋدى ۇيىمداستىرعاندار مارشتى وتكىزۋ ءۇشىن بىلتىر التى-جەتى رەت الماتى قالاسى اكىمدىگىنە ءوتىنىش بەرگەنىن، رۇقسات الا الماعانىن ايتقان. Oyan, Qazaqstan ازاماتتىق قوزعالىسىنىڭ جاستارى اتالعان سوت ۇكىمىمەن كەلىسپەيتىنىن جانە اپەللياتسياعا بەرەتىنىن مالىمدەدى.

حالىقارالىق قاۋىمداستىق قازاقستان بيلىگىنەن "بەيبىت جيىن وتكىزۋ تۋرالى" زاڭدى قايتا قاراپ، ءسوز بوستاندىعىنا كەدەرگى كەلتىرمەۋدى تالاپ ەتىپ كەلەدى.

“The Qazaq Times”