كورنەكى سۋرەت. فوتو: قازتەحنولوگيا

استاناداعى ەكونوميكالىق تەرگەۋ دەپارتامەنتى «قازتەحنولوگيا» اق-ندا 1,7 ميلليارد تەڭگە جىمقىرىلعانىن مالىمدەدى. 

ۆەدومستۆو وكىلى بولات قاميتوۆ «قازىر يندۋستريا جانە ينفراقۇرىلىمدىق دامۋ مينيسترلىگىنە قارايتىن «قازتەحنولوگيا» اق  2013 جىلدان بەرى  1,7 ميلليارد  تەڭگە كولەمىندە بيۋدجەت قارجىسىن قولدى ەتكەن. الايدا تەرگەۋ ەندى باستالعاندىقتان اقپاراتتى جاريالاۋعا بولمايدى»، – دەدى.

جارامسىز وق-دارىلەردى جويۋمەن جانە قارۋ وندىرىسىمەن اينالىساتىن كومپانيانى قازىرگى تاڭدا اقباەۆ دارحان تولەۋعاليۇلى باسقارادى. سونداي-اق اتالعان كومپانيانىڭ جالعىز اكتسيونەرى  «قازاقستان ينجينيرينگ» ۇلتتىق كومپانياسى ەكەنى بەلگىلى بولدى. بۇل كومپانيا  مۇنايگاز، تەمىرجول، اگروونەركاسىپ كەشەندەرىنىڭ تاپسىرىس بەرۋشىلەرىنە ونىمدەر شىعارۋ جانە قىزمەت كورسەتۋ، قارۋ جانە اسكەري تەحنيكانى ءوندىرۋ-جوندەۋ جۇمىستارىن جۇرگىزەدى.

بىلتىر جازدا ارىس قالاسىنىڭ ىرگەسىندەگى اسكەري وق-ءدارى قويماسىندا ءتورتىنشى رەت «جويقىن»  جارىلىس بولىپ، 45 مىڭ تۇرعىن باسساۋعالاپ كەتىپ بوسقىن اتانعان بولاتىن. ەلدى دۇرلىكتىرگەن توتەنشە وقيعانىڭ كەسىرىنەن جۇزدەگەن ادام مەديتسينالىق  كومەككە  جۇگىنىپ، ءتورت ادام كوز جۇمعان جانە مىڭداعان ءۇي-نىسان بۇلىنگەن ەدى.

“The Qazaq Times”