كوروناۆيرۋس بارعان سايىن كەڭ اۋقىمعا جايىلىپ بارادى. فوتو: 5 saat önce Bleeding Edge

وتكەن اپتا سوڭىنداعى دەمالىس كۇندەرى الەم ەلدەرىندە كوروناۆيرۋس جۇقتىرعاندار سانى كۇرت كوبەيىپ كەتتى. قىتايدان تىس الەمنىڭ بىرقاتار ەلىندە ۆيرۋس جۇقتىرعاندار سانى 1200-دەن اسىپ، 20 ادام كوز جۇمدى، ال قىتايدىڭ وزىندە 70 مىڭنان استام ادام جۇقتىرىپ، 2600-دەن اسا ادام قازا تاپتى.

الەم ەلدەرىن اتالعان قورقىنىشتى جاڭا ۆيرۋستىڭ كەڭ تارالىپ بارا جاتقانى الاڭداتادى. بىرنەشە كۇن ىشىندە وڭتۇستىك كورەيا، يران جانە يتاليادا جەدەل تاراپ، ءۇش كۇن ىشىندە بەس ادام كوز جۇمدى. ال، بريتانيادا 13 ادام اتالعان ۆيرۋسقا بايلانىستى وقشاۋلانعان.

وسىمەن قاتار باحرەين بيلىگى دە ەلدە قاۋىپتى ۆيرۋستىڭ تابىلعانىن جاريا ەتتى. مالىمەتكە قاراعاندا باحرەيندەگى قوعامدىق كولىك جۇرگىزۋشىسى قاۋىپتى جاڭا ۆيرۋس جۇقتىرعان.

دۇنيەجۇزىلىك دەنساۋلىق ساقتاۋ ۇيىمى ۆيرۋستىڭ قاۋىپتى پاندەمياعا اينالىپ كەتۋىنەن الاڭداپ وتىر. پاندەميا دەپ وسىنداي قاۋىپتى ىندەتتەردىڭ الەمنىڭ تۇكپىر-تۇكپىرىنەن ءبىر ۋاقىتتا تارالۋىن ايتادى. ەگەر كوروناۆيرۋس پاندەمياعا اينالسا وندا ونىڭ ماسشتابتى تۇردە تارالىپ كەتكەنىن كورسەتەدى. قازىرگە دەيىن الەمنىڭ 30 ەلىنەن اتالعان ۆيرۋس تابىلىپ جاتىر، بىراق ددۇ ىندەت جاعدايىن پاندەميا دەپ اتاۋعا جەتە قويمادى دەپ قارايدى.

“The Qazaq Times”