يراننىڭ سپۋتينگ ۇشىرۋ ارەكەتى ساتسىزدىككە ۇشىرادى

جەكسەنبى كۇنى يراننىڭ «زافار» سپۋتنيگى جەر وربيتاسىنا جىبەرۋ ارەكەتى ساتسىزدىككە ۇشىرادى. بۇل تۋرالى سول ەلدىڭ مەملەكەتتىك تەلەارنالارى حابارلادى.

يران قورعانىس مينيسترلىگىنىڭ عارىشتىق باعدارلامالار جونىندەگى وكىلى احمەل حۋسەين مالىمدەمەسىندە، «زافار» جەر سەرىگىنىڭ جەر وربيتاسىنا كىرە الماعانىن، ۇشىرۋ كەزىندە تاسىمال زىمىراندارىنىڭ قاجەتتى جىلدامدىققا جەتە الماعانىن ايتتى.

«زافار» سپۋتنيك  تەھراننىڭ وڭتۇستىك-شىعىسىنداعى 230 شاقىرىم قاشىقتىقتاعى زەيمان پروۆينتسياسىنا ورنالاسقان يمام حومەيني عارىش ورتالىعىندا جۇزەگە اسىرىلعان. بۇل يراننىڭ سپۋتنيك ۇشىرۋداعى بىلتىردان بەرى ەڭ كەمىندە ءۇشىنشى رەت ساتسىزدىككە ۇشىراۋى.

ۋاشينگتون بولسا، يراننىڭ جەر سەرىك ۇشىرۋ باعدارلامالارى بالليستيكالىق زىمىرانداردى دامىتۋعا كومەكتەسەدى دەپ ايىپتاپ كەلەدى. بىراق، يران تارابى وزدەرىنىڭ عارىش باعدارلامالارىنىڭ كەمەلدەنە تۇسكەنىن ايتادى.

“The Qazaq Times”